مطعم بيتوتي وقعدة تحت العريشة بقلب بشري

بس تكونوا عم تتمشوا بشوارع بشري وتحسوا بالجوع، رح تشوفوا مطعم ع جنب الطريق، شكلو هيك بيشبه بيوت الضيعة القديمة. ما ترددوا تجربوا. إسم المطعم “مخلوف“، ومن أول ما تفوتوا رح تحسوا حالكن كأننكن عم تفوتوا ع بيت جدودنا، والريحة؟ ريحة العريشة والطبيعة بتغريكن حتى قبل ما حتى تقعدوا.

القعدة برا تحت العريشة عالم تاني، برود مع نسيم الهوا وصوت العصافير بيخلي الجو كأنكن بجنينة بيت ضيعة عتيق. وللي بيجي بالشتوية، القعدة جوا حد الشيميني بتدفي القلب وبتخليكن تحسوا كأنك قاعدين مع العيلة بسهرة شتوية. المكان كتير كوزي وبيحسسكن براحة ما بتلاقوها بأي مطرح تاني.

الأكل؟ شي عن جد بياخد العقل. كل طبق محضر ع إيدين ست البيت، كل شي بيتوتي أصيل. من الفتوش الملون يلي طعمتو فريش، لورق العريش الطيب، للحمة والمشاوي يلي بتذكركن بإيام الأحد مع العيلة. كل لقمة بتحسوها معمولة بحب.

يلي بيميز مخلوف أكتر هوي إنو كل شي معمول البيت. البطاطا المقلية مقرمشة وما فيها زيت كتير، والتبولة ما بتشبع منا، نكهتها حامضة. أما المشاوي، فهيدي قصة لحالها! اللحمة طرية وبتدوب بالتم، وكل سيخ معمول بإتقان وشغل لحامين الضيعة.

بعد الأكل، القعدة تحت العريشة مع فنجان قهوة بتكمل الجو عالآخر. بتحسوا إنو الوقت وقف شوي، وكل شي حواليكن وقف. بتضلوا تسمع صوت الشجر والهوا، وبتحسوا كأنكن بعاد عن كل شي.

^{Credits: ضيعة و كومة حُب}

والأحلا، أهل المطعم بيعاملوكن كأنكن من العيلة. الدفا مش بس من الشيميني، الدفا بالأشخاص يلي عم يشتغلوا هونيك. بتحسوا بحب بكل حركة وبكل طبق بينحط قدامك.

إذا كنتو ببشري، أو حتى جايين من بيروت، “مخلوف” مش بس مطعم. هوي تجربة بتترك بصمة بقلبكن، قعدة رح تتذكررها وين ما رحتوا، والأكل؟ صعب تنسوا.

العنوان: بشري
الرقم: 543 777 71

شوفوا كمان، اختراع بشق القلب والروح: فتة ورد جوري.