٥ محلات مهضومة لازم تزوروها بلبنان

إذا كنتو من محبي المغامرة أو بتحبوا تقعدوا بمطارح فيها رواق وراحة، هيدا المقال إلكن! بلبنان في كتير محلات مهضومة مش لازم تروحوها عليكن. من قعدات جبلية، لبانغالو ساحر، لمطاعم حد النهر، جمعنالكن ٥ من أجمل وأهضم المحلات اللي لازم تزوروها وتعيشوا تجربة غير شكل.

١. The 3 Farmers، مجدل ترشيش

إذا بتحبوا الكامبينغ والمغامرة بنص الطبيعة، هيدا المحل بيجمع كل شي! بين الروقان والمنظر الخيالي لغروب الشمس اللي بيخطف القلب، ما في أحلى من هالقعدة.

الرقم: 03 394 167

٢. Bus Station، كفرعقاب

هالقعدة الجبلية المميزة مع فيو بيطير العقل بتخليكن تعيشوا تجربة استثنائية. فيكن تستأجروا الفان وتناموا بقلبو أو حتى بس تقضوا وقت مميز وتقعدوا على المرجوحة أو كرسي المساج وتنسوا الدني.

الرقم: 71 975 592

٣. River Zen، الشوف

لما نقول قعدة حد النهر مع مراجيح بتفتح النفس، أكيد عم نحكي عن River Zen! مطعم بقلب الطبيعة، فيكن تاكلوا عندو أطيب الأكلات وتخيموا بنص الخضار وحد المي.

الرقم: 71 680 716

٤. The Secret Bungalows، إده

بانغالو عالتلة بقلب إده، مع فيو خرافي عالبحر. المحل رايق ومناظرو بتسحر القلب. إذا بدكن تجربة غير شكل آخر الصيفية، هيدا المكان لازم يكون عالليست.

الرقم: 76 467 467

٥. Breeze Bungalows، المتين

قعدة ولا أحلى من هيك بقلب الطبيعة، بتفيقوا الصبح على أطيب ترويقة بلدية. جو البانغالو وقعدة القش بتخليكن تحسوا إنكن بعالم تاني.

الرقم: 76 125 990

شوفوا كمان: مطعم بيتوتي وقعدة تحت العريشة بقلب بشري.