محافظ بيروت قرر إقفال حرش بيروت!

خلال شهر تموز، وافق محافظ بيروت مروان عبود على اقتراح من دائرة الحدائق في بلدية بيروت بإقفال حرش بيروت، وخلّى الدخول بس للزوار اللي بيحصلوا على إذن مسبق من المحافظ. بمن بعدها مباشرةً، باشر حرس بيروت فورا بتنفيذ قرار الإغلاق.

بحسب الاستوديو المتخصص بالبحث والتصميم Public Works Studio، وافق المحافظ على الكتاب بنفس النهار “من دون استشارة الجهات الأخرى أو الأخذ بالاعتبار وجهات النظر البديلة”.

المحافظ ركّز مش بس على التعديات على منشآت الحديقة العامة، بس كمان لفت النظر لصعوبة باستيعاب تدفق الزوّار الأسبوعي.

كمان ذكر انو في خطط لتأهيل الحمامات، وكمان يعملوا مسلك خاص للدراجات الهوائية، بعد ما حصلوا على تمويل من Kreditanstalt für Wiederaufbau (KfW)، وهو بنك استثماري وتطويري ملك الدولة الألمانية.

حرش بيروت كان مسكّر تقريبًا لمدة ٢٠ سنة. إعادة افتتاحه (بس مرة بالأسبوع وقتا، وبعدين لصار يفتح يومياً لهو ساعتين بس) أعلنوا عنها بأكتوبر ٢٠١٥.

كمساحة خضراء كبيرة بالمدينة، حرش بيروت هو ملك عام ومن حق الكل انه يقدر يدخل عليه. الحفاظ عليه وحسن إدارته هي لرفاهية المجتمع، خصوصي بهالفترة يلي قلّت فيها المساحات والحدائق العامة بلبنان.