مدونة
إنتو مغتربين؟ هيك فيكن تدعموا لبنان بهالوقت
المجازر عم تصير بلبنان من أكتوبر الماضي، والهجمات الأخيرة على عاصمتنا هي الأسوأ من حرب 2006. إذا عم تسألوا حالكن كيف فيكن تدعموا لبنان بس مش عارفين كيف، تابعوا القراءة.
هيدا المقال عبارة عن دليل لجهود الإغاثة، والموارد المفيدة، وخيارات التبرع، وطرق تانية للمساعدة وقت ما تكونوا بأمس الحاجة.
1. تبرعوا لمساعدات الإغاثة والمنظمات التانية
اللي بدّن يتبرعوا بالمصاري، في كتير مبادرات بحاجة لدعمكن. هي لائحة بالمبادرات اللي فيكن تتبرعوا إلها.
جهود الإغاثة:
Lebanon Restoration Initiative
Action for Inclusive Development
Human Association for Relief and Development
جهود إنقاذ الحيوانات:
2. نظّموا حملات جمع التبرعات
GoFundMe ما بيزبطوا بلبنان، إلا إذا بتعرف منظمة موثوقة فيها تسحب المصاري برا وتنقلن على لبنان، فهني مش الخيار الأحسن. فيك تستعمل fundahope، منصة موثوقة بتوصل الناس بالمتبرعين من برا. مش بس فيكن تشوفوا الحملات اللي موجودة وعم بتساعد لبنان، كمان فيك تبلشوا حملتكن الخاصة.
كمان في خدمات تحويل مصاري بتساعدكن تنقلوا المصاري بأمان على لبنان من كل أنحاء العالم، متل Purpl و Taptap Send. عملنا دليل عن كيف تستعملوا هيدول المنصتين هون.
3. دعموا المنظمات يلي بتقدم خدمات الصحة النفسية والدعم الإجتماعي
كتير جمعيات أهلية عم تقدم خدمات دعم الصحة النفسية بكل لبنان، بس بيحتاجوا لدعم ليكفوا عملياتن.
هيدي مجموعة من المبادرات يللي فيكن تتبرعوا إلها:
4. شاركوا شو عم يصير بلبنان
عدد الشهدا بلبنان تعدّى الـ 1200، واكثر من 5000 مصاب، واكثر من 30000 مفقود، وحوالي مليون مواطن نازح. استعملو منصاتكن لحتّى تشاركو المعلومات، تنشروا الوعي، وتشجعوا الناس ليساعدوا.
عززوا أصوات الأشخاص المتأثرين بالاعتداءات الحالية للاحتلال على لبنان، وانشروا تحديثات موثوقة، وسلطوا الضوء على المنظمات الموثوقة اللي عم تشتغل على الأرض. كل بوست، مشاركة، وحديث ممكن يساهم بحركة أكبر من التضامن والعمل، ويجيب دعم وموارد أكتر للمكان اللي فيهن أشد الحاجة.
5. شاركوا بالمظاهرات والاحتجاجات بمنطقتكن
شاركوا بالمظاهرات والاحتجاجات بمنطقتكن لتطالبوا بوقف فوري لإطلاق النار بلبنان وفلسطين. الإحتجاج هو وسيلة قوية لزيادة الوعي ومحاسبة الحكومات والإعلام والمنظمات الدولية.
ما تستهينوا بتأثير صوتكن بتشكيل الرأي العام والتأثير على السياسات. هلق أكتر من أي وقت، من الضروري تحكوا وتطالبوا بإنهاء العنف.
صورة الغلاف من الجزيرة.
شاركونا طرق بعد ل تدعموا لبنان!
شوفوا كمان، هيك فيكن تساعدوا العائلات النازحة بلبنان
المحتوى الأكثر قراءة
دعاية مهضومة لفروج العبدالله عم تسبب بلبلة على الفاضي
٠١ يوليو ٢٠٢٤
أكتر من 20 تغريدة مضحكة عن ملكة جمال لبنان 2024
٢٨ يوليو ٢٠٢٤
شروق زوجة دكتور فود أعلنت إنها حامل!
٢٩ أكتوبر ٢٠٢٤
أخيرا، رجعت الباصات العمومية بلبنان!
١٢ يوليو ٢٠٢٤
٧ ملكات جمال تزوجوا من مشاهير وفنانين بلبنان
٢٠ مايو ٢٠٢٤
