هيك بتقدروا تدعموا النازحين هيدي الشتوية

الشتوية جايي، ومعظم مراكز الإيواء وضيافة النازحين مش محضّرة منيح لتأمن اللوازم الأساسية بالشتوية. مع أنظمة تدفئة قديمة، ونقص بالأغطية الكافية، هيدي المراكز بتترك كتير عيل عرضة للبرد.

عدا عن التبرعات العينية اللي فيكن تتبرعوا فيها للمراكز القريبة عليكن، فيه كمان عدة مبادرات فيكن تدعموها! هالمبادرات عم تدعم النازحين بحرامات، تياب دافية، و كلسات، و المستلزمات الضرورية ليضلو دفيانين بهيدي الشتوية.

1. شبابيك

حتى أصغر تبرع ممكن يعمل فرق! حملة شبابيك عم تجمع لوازم أساسية من ملابس شتوية، متل الكنزات، الشالات، البوطات، الحرامات، وأشيا تانية للنازحين و المحتاجين.

تواصلوا على 344 861 03 أو 099 003 03 لدعم حملتن.

2. الصيادلة ينتفضون

هالمجموعة من الصيادلة المستقلين مش بس عم بيأمنوا أدوية وحليب أطفال مجاني، بس كمان عم يشتغلوا إنه المراكز عندها حرامات و تياب شتوية كافية.

لتقديم تبرعات عينية أو مالية، تواصلوا على 544 450 76.

3. فابريك إيد

FabricAID عم تدعم المهجرين ب packages للشتوية تحتوي على 7 قطع ملابس أساسية. عم يأمنوا آلاف قطع التياب بالجمعة، وهلق بحاجة لدعمكن للتجهيز كلياً للشتوية.

إكبسوا هون لدعم حملتن.

4. Wrapped in Dignity

هيدا الشتي، فيكن تساعدوا العيل المُهجرة بلبنان ليضلّوا دفيانين بتبرع بقيمة 10 دولارات على الحرام الدافي.

فيكن تدعموا حملتن على 045 659 81. و للتبرعات العينية، فيكن تبعتولن رسالة على إنستغرام.

5. Rescuing in Lebanon

عدا عن جهود إنقاذ الحيوانات، هالمبادرة عم تدعم مدرسة متواجدة فيها تقريبًا 650 شخص نازح. عم يساعدوهن يتحضروا لفصل الشتا بتأمين حرامات سميكة وأغراض ضرورية تانية.

إكبسوا هون لدعم حملتن على fundahope.

6. حملة دفى

حملة دفى عم تتعاون مع كارفور وعم تحطّ عدد من صناديق التبرّع بفروعها. بالإضافة للأكل، المنتجات الصحية، والألعاب، فيكن تتبرعوا بحرامات، تياب دافية، وأحذية للنازحين.

فيكن كمان تدعموا حملتن بالتواصل مع هالرقم 883 569 71.

7. Lebanon Reforestation Initiative

LRI عم بتوزع مئات الحرامات على المدارس اللي عم تستضيف النازحين بكل لبنان. واحد من المراكز اللي عم يدعموه هلق بدكوانة عم يأوي أكتر من ٣٠٠٠ شخص، يعني الحاجة للإغاثة كتير ضرورية.

هيك فيكن تدعمو حملتن:

تواصلوا على 148 767 71 للتبرعات العينية.

بعتوا التبرعات المالية عبر الـ OMT أو Western Union لرايموند فرحات على الرقم 843 942 03 

تقدروا تتبرعوا لGoFundMe تبعن إذا بدكن تدعموهن من برا.

8. مؤسسة رينيه معوض

الاستجابة الطارئة لـ RMF بلبنان عم تقدم دعم نفسي واجتماعي، طبي وغذائي للنازحين. حملتن الاخيرة بتطمح إنه تتحضر لفصل الشتا الجاي من خلال تأمين حرامات وفرش سميكة لتلبية الحاجات الملحة.

إكبسوا هون لدعم حملتن.

9. Endless Medical Advantage

هالجمعية عم بتدعم النازحين بالعيادات المتنقلة والخدمات الإغاثية. هلق عم بتدعم النازحين بالبقاع وعم بتوفرلن أكل، وطبابة، حرامات، تياب، وغيرها من الأغراض الضرورية.

إكبسوا هون لدعم حملتن.

لمزيد من المبادرات والموارد، تأكدوا من إنو تشوفوا قسم #دعم_لبنان على موقعنا.