شاب يعزف التشيلو بين الدمار بالضاحية

وسط الدمار والعدوان اللي عم يطال الضاحية الجنوبية لبيروت، انتشر فيديو مؤثر لشاب لبناني عم يعزف على آلة التشيلو من بين الركام. هالمنطقة صارت منكوبة اليوم بمشاهد مؤسفة للأنقاض والمباني المدمرة. والصورة هيدي، لعازف الموسيقى بين الدمار، بتشكل تعبير عن الحياة والصمود بوجه كل شي.

هالفيديو مش الأول من نوعه، كمان إنتشر قبل فترة فيديو لعازف بيانو عم يعزف من بين الدمار بالضاحية. العزف على الموسيقى بهيدي الظروف صار عبارة عن نوع من الصمود ومهرب من المآسي. بالرغم من كل الفوضى اللي عم بتصير، العازف عم يوجّه رسالة حياة وأمل بوقت الحرب. 

هيك صورة هي يلي بتعكس روح الشعب اللبناني، صامد وبيحب الحياة بكل أشكالها، ورغبتو بالحياة أقوى من الحرب. 

شوفوا كمان، بالفيديو: بياع ورد يزرع الجمال وسط دمار الضاحية