التيتا اللبنانية صار عندها موقع أخبار على تويتر

متل ما سمعتوا، صار فينا نعرف آخر أخبار لبنان من التيتا اللبنانية. بس خلينا نقلكن، الموقع بعدو ما بلّش ينزل أخبار بعد… لحد هلق كل شي عم ينزلوا هو بس فيديوهات مهضومة بتعرفنا على الموقع، اللي شكلو رح يكون لذيذ! بس تخايلوا إنو كل خبرياتنا منصير نعرفها من تيتا قاعدة ع كرسي خشب، وحاطة قدامها صينية قهوة وزريعة وورود ع جنب.

الموقع الجديد اللي عم نحكي عنو إسمو “Tita“، وموجود على كل السوشال ميديا: تويتر، إنستاغرام، فيسبوك، ويوتيوب. يعني وين ما كنتوا، بتقدروا تطلوا على التيتا وتسمعوا آخر خبرياتها!

التيتا اللبنانية عطول عندها خبار مهضومة، حتى غنية الموقع هضامة! كل ما تفوتوا، بتسمعوا: “يا ستي يا ختيارة يا زينة كل الحارة حبيبي يلي بحبو ناطرني بالسيارة”. وكأنو كل فيديو بياخدنا لذكريات وجو بيت التيتا الدافي، بين الخبريات المضحكة والنصايح المفيدة.

من اللي مبين، الموقع بعدو مش جاهز عالآخر وعم ينشغل عليه قبل ما يبلش بالقصص الجدية. بس، بما إنو التيتا اللبنانية بلّشت تعرفنا على حالها بالفيديوهات القصيرة الحلوة، فكتير منّا ناطر لحتى نشوف شو رح تكون الأخبار والشغلات اللي رح تنزلها. عم نحكي عن فيديوهات قصيرة، وكتير قريبة للقلب، بتحكي لغة بسيطة وواضحة.

إذا عنكن حنين لخبريات ستكن، ما تنسوا تطلوا ع التيتا بهل موقع.

شوفوا كمان، لأول مرة: إيلي صعب يجمع نجوم هوليوود والعالم العربي بحفل أسطوري