الكابتن رولا تشارك لقطات جوية للغارات ع لبنان

الكابتن رولا حطيط، أول طيارة إنضمت لفريق الطيران بشركة طيران الشرق الأوسط، شاركت بفيديو حزين بيوثق الغارات الجوية عنيفة فوق لبنان. الفيديو كان فيه مقاطع من غرفة القيادة، بيوثق الطيارة خلال عملية الإقلاع والضربات الجوية المعادية عم تضرب بمناطق مختلفة بلبنان.

كتبت على الفيديو: “سيدات وسادة، هيدي الكابتن عم تحكي. حتى وقت الصعوبات، منضل نطير ومنحمل اسم لبنان وأرزته عبر السما الشاسعة. صلّوا للبنان.”

بعد ما كتير خطوط طيران علقوا رحلاتن من ولبيروت، شركة الطيران الشرق الأوسط كملت رحلاتها. وهنّي كمان نظموا رحلات إضافية لتعويض هالتعليقات ولخدمة المسافرين.

بتعرفوا؟ الكابتن رولا صارت أول طيّارة امرأة بتلتحق بطاقم طيران شركة MEA من أكتر من 20 سنة. من بين 2,000 متقدم و600 طالب قدموا الامتحان الكتابي، انقبلت ضمن أول 9.

شوفوا كمان، مطاعم منحبها بالضاحية فتحت فروع بمناطق آمنة