سياسيين تجوّزوا ملكات جمال ومذيعات: قصص حب على الطريقة اللبنانية!

لما السياسة والنجومية يجتمعوا، بتطلع قصص مش عادية أبداً. هالزواجات اللي جمعت بين سياسيين وملكات جمال أو مذيعات، عملت ضجة كبيرة وخلّت الكل يحكي عنها. تعوا نتعرف على هالأزواج وكيف قصصن صارت حديث البلد!

١. ريتا لمع والياس حنكش

ريتا لمع، اللي كلنا منعرفها كعارضة أزياء وصارت مقدمة برامج، كانت وصيفة تانية بمسابقة ملكة جمال لبنان 2003. تزوجت النائب إلياس حنكش وعندن تلات ولاد: جوليا، بيتر، وجويا، وهني عيلة بتبين متل شي حلم لبناني! ريتا مش بس أم وزوجة، هي كمان مؤثرة بعالم الموضة ودايماً منشوفها بالستايلات الأنيقة.

٢. عقاب صقر ونادين فلاح

النائب السابق عقاب صقر وقع بحب الإعلامية نادين فلاح إخت الفنانة جوانا ملاح، وبعد قصة حب طويلة، تجوزوا سنة 2012. بس بسبب الأوضاع الأمنية بوقتها، العرس صار بأوروبا. هالثنائي رزقوا بصبي سمّوه سعد وبصبي تانسي شاها، وعيلتن بتضل بعيدة عن الأضواء رغم شهرتن.

٣. الياس بو صعب وجوليا بطرس

مين ما بيعرف جوليا بطرس؟ صوتها اللي ما بينتسى جمعها بالوزير السابق إلياس بو صعب. جوليا اللي كل أغانيها وطنيّة وصارت رمز لنضال اللبنانيين، لقت الشريك المثالي بإلياس. هالثنائي كل مرة بيطلعوا على العلن، بيذكّرونا إنو الحب قادر يجمع بين الفن والسياسة.

٤.سليمان فرنجية وريما قرقفي

النائب سليمان فرنجية اتجوز الإعلامية ريما قرقفي سنة 2003، ومن وقتها صاروا مثال للزواج الناجح. أنجبوا بنت وحيدة اسمها فيرا سنة 2007، وهالعيلة معروفة باستقرارها وببساطتها رغم إنو دايماً تحت الأضواء.

٥. ستريدا جعجع وسمير جعجع

ستريدا جعجع فازت بلقب ملكة جمال سنة 1986، وبعدها بكم شهر طلبها للزواج قائد حزب القوات اللبنانية، سمير جعجع. بالبداية، رفضت لأنو كان عندها أحلام كبيرة، بس بعدين قررت إنها تتخلى عن الكل كرماله. لما سمير انسجن سنة 1994، استلمت ستريدا إدارة الحزب وضلت تقاتل كرمالو. ومن سنة 2005، هو حر، وهي نايب عن بشري، ودايماً بيكونوا مصدر إلهام للحب اللي ما بينكسر.

شو رأيكن بهالزواجات بين سياسيين وملكات جمال ومشاهير؟ مين أكتر ثنائي بتحسوا قصتن متل فيلم سينما؟

شوفوا كمان، بعد إهانة جمالها… ندى كوسا استرجعت حق لبنان بمسابقة ملكة جمال الكون