سوشي برغر: اختراع ضروري تجربوا!

بالرغم من كل المصايب اللي عم نقطع فيها، اللبناني دايماً بيلاقي طريقة يبدع فيها، وأحلى شي لما يبدع بالأكل! إذا بتحبوا السوشي والبرغر، أو حتى سوشي برغر، حضّروا حالكن لتجربة ما بتنتسى.

بكفرحباب، في محل جديد إسمو Jay’s House، عم يخطف الأنظار مش بس بطعمة أطباقو، بس بأفكارو الغريبة والمميزة. بيقدم كل شي بيشتهي قلبكن من برغر، بيتزا، سلطات، باستا، وسندويشات بأسعار مدروسة وبتناسب الكل. بس اللي رح يلفت نظركن أكتر هوي اختراعاتو اللي بتخلّي الواحد يرجع مرة وتنان وتلاتة.

تاكيس سوشي برغر! إي، متل ما قريتو، صار فيكن تاكلوا سوشي برغر بلبنان. جربوا هالاختراع اللي بيجمع سوشي وكراب، سومو، أفوكا، مانغو، وصوصات ولا أطيب من هيك. الطعمة؟ بتطير العقل، فريش وبتشهي!

بس القصة ما بتوقف هون. إذا بتحبوا البسطرما، لازم تجربوا البرغر على بسطرما مع كبيس، بندورة، سلطة، وصوص خرافية بتكمّل الطعمة. بعد في شي؟ أكيد في! special garlic parmesan mushrooms، هيدي المقبلات اللي رح تفتح نفسكن قد ما طيبة وبتقرمش.

كل فترة، Jay’s House بيطلع باختراعات جديدة، لأنو بيعرف إنو اللبناني دايماً بحب يجرب شي مختلف. إذا بتحبوا تجربوا أكلات مش عادية وبتعشقوا البرغر، ما إلكن إلا تزوروا هالمحل.

العنوان: كفرحباب
الرقم: 017 350 71

شو ناطرين؟ روحوا جربوا، وما تنسوا تخبرونا شو أكتر طبق حبيتو!

عجبكن هيدا المقال عن اختراع سوشي برغر؟ شوفوا كمان، لأهل الجبل، مطعم أطيب فروج جاية ع عاليه!