عيلة نزحت… ورجعوا عالجنوب ومعن فرد جديد بالعيلة إسمو فادي!

حاسين نهاركن مش ظابط؟ هالقصة الحلوة رح تردلكن البسمة! عيلة نزحت من ضيعتا بصور لقيت بسين ضايع وهني قاعدين ببيروت. قرروا يسمّوا “فادي” وأخدو معن على الجنوب ليعيش معن.

العيلة اللي نزحت من ضيعة طير فلسيه بمنطقة صور، قضت شهرين بمنطقة العاملية ببيروت. بهالفترة، تعرفوا على بسين زغير وصاروا يهتموا في ويطعموا كل يوم.

لما وقف إطلاق النار الساعة ٤ الصبح يوم الأربعاء، العيلة ضبت غراضها بسرعة لترجع عضيعتها الحبيبة. وبطبيعة الحال، ما قدروا يتركوا البيسنة ببيروت لحالها. قام قررت أزغر فرد بالعيلة، زينب، تسمي البسينة “فادي” وأخدوها معن عالبيت التاني بطير فلسيه.

شو هالقصة الحلوة! فرحانين إنن رجعوا عبيتن ومعن فرد جديد بالعيلة!

وبالمناسبة، في قصة تانية شبيهة لهيدي. عيلة تانية تبنت بسينة كمان بعد ما صارت تلحقن لما نزحوا من عيتا الشعب. إسم البسينة صار “جنوب”. فيكن تقروا كل التفاصيل عن هالقصة هون!

عجبتكن قصة البسين فادي لي لاقى بيت جديد؟ شوفوا كمان، بالفيديو: لما ترجع عالبيت بعد النزوح… وتلاقي معزيات بغرفتك!