ليه تم سحب لقب ملكة جمال لبنان من هيفا وهبي؟

هيفا وهبي هي المغنية اللبنانية يلي أسرت الجماهير بجاذبيتها وحضورها القوي على المسرح. الناس حبّوها بمجالات الغنا والتمثيل، ولكن بتعرفوا إنو أيقونة الجمال هيفا وهبي بلشت مشوارها الفني من مسابقات ملكة الجمال؟ ومش بس هيك، تم سحب اللقب منّها! خلونا نقلكن شو الخبرية هون. 

ولدت هيفا ب ١٠ آذار ١٩٧٦ في بلدة محرونة جنوب لبنان، وهي من بيّ لبناني وأم مصرية. انطلقت شهرتها بأوائل الألفينات وصارت بسرعة وحدة من أهم نجمات العالم العربي.

بداية مشوار هيفا كان بمسابقات الجمال، فازت هيفا وهبي بلقب ملكة جمال جنوب لبنان سنة ١٩٩١ (بعض المصادر بتقول ١٩٩٢) وكان عمرها ١٦ سنة.

 ومن بعدها شاركت بمسابقة ملكة جمال لبنان وفازت، ولكن تم سحب اللقب منها لأنو كانت متزوجة وعندها بنت وهالشي بيخالف شروط المسابقة. هيدا فيديو إلها خلال المسابقة: 

خلال هالفترة، هيفا كانت متزوجة من ابن عمها نصر فياض وأنجبت منو بنتها زينب. من بعدها قررت الإنفصال، ولكن رفض يمنحها الطلاق لسنين، لحد ما حصلت عليه ولكن بثمن إنو ما تشوف بنتها. 

هيفا حققت نجاحات كبيرة وحصدت جوايز كتير، وأغانيها مزيج بين الطرب العربي والموسيقى الحديثة صارت محبوبة للجماهير. غير الغنا، دخلت هيفا مجال التمثيل وشاركت بأفلام ومسلسلات تركت بصمتها فيها عدا عن عالم عرض الأزياء. بأسلوبها الجريء وشخصيتها القوية، هيفا وهبي بقت أيقونة لبنان بالجمال والإبداع.

شوفوا كمان، ملكات جمال أصلن من جنوب لبنان، مين هني؟