هالمحل بيقدم بوش دو نويل ع سوشي!

سوشي يا Sushi Ya مشروع لبناني عم يبدع بعيد الميلاد هالسنة وعم يقدم سوشي رول ع طريقة بوش دو نويل. هالفكرة الغريبة جمعت الشكل التقليدي للبوش مع نكهات السوشي الطازة، مع السلمون والتونة كمكونات أساسية.

كارلا بتعمل سوشي من البيت، و ع الكريسماس طلعت بفكرة بوش دو نويل ع سوشي. بتعمل منن نوعين رول، أول واحد سلمون فيلادليفيا ع وجّها نوري فوري كاكي، أمّا الرول التاني مكوّن من تونا ومانجو وأفوكادو. النتيجة؟ طبق طعمو فخم وشكلو بيذكرنا بأجواء العيد.

التقديم كمان بيحكي، المنظر مرتّب وبيشهي! بتقطعوه البوش قطع وبتقدمو. هيدا الطبق مش بس للأكل، هو كمان إضافة مميزة لأي سفرة لبنانية بعيد الميلاد. سواءً كنتوا من عشاق السوشي أو حابين تجربوا شي جديد، هالفكرة أكيد رح تضيف نكهة خاصة لاحتفالاتكن هالعيد.

بتلاقوا كمان عندها سوشي كيك للكريسماس وقصص غريبة بتشهي! فيكن تطلبوا بوش السوشي قبل العيد على الرقم  942 600 70. لتتعرفوا أكتر، زوروا صفحتن على الإنستغرام هون. 

شوفوا كمان، بتحبوا القريدس؟ هيدا ألذ مطعم مأكولات بحرية ببيروت!