Plage Des Rois: مطعم بحري جديد مع بوفيه كريسماس!

منتجع Plage Des Rois رح يكون وجهتكن المفضلة بلبنان! هالمنتجع واحد من أفضل الوجهات السياحية بجبيل إن كان بالصيف أو بالشتي. مطرح إستثنائي قاعد ع البحر وبيقدم تجارب من الأحلام للكل، إن كان عائلية أو رومانسية أو ترفيهية!

هالمنتجع المميز بجبيل بيقدم تجربة ما بتتفوت، سواءً كنتوا جايين لتتغدوا، تسترخوا، تحتفلوا، أو تستمتعوا بوقتكن مع العيلة أو الأصحاب. فتحوا مطعم للمأكولات البحرية والمازة اللبنانية مميز لازم نخبركن عنو، عدا عن نشاطات حلوة هيدا الشهر!

مطعم جديد مع منيو غير شكل!

لمحبي المأكولات البحرية، كتير رح تحبوا المطعم الجديد عند Plage Des Rois!

ميلوا لعندن إن كان ع الغدا أو العشا وجربوا أطباق بحرية طازة، محضّرة بكل شطارة، وبتجمع بين النكهات اللبنانية ولمسة متوسطية مميزة. عندن set menu من السمك ع أنواعو، القريدس، وأكيد المازة اللبنانية والسلطات الغنية، يعني رحلة تذوق ولا ألذ! كل طبق بيحمل طعمة البحر الطازة، مع نكهات بتعكس مطبخنا اللبناني.

السمك المشوي والمقلي عندن دايمًا طازة ومحضّر بطريقة مميزة بتبرز نكهة كل نوع. وإذا بتحبوا القريدس، جربوا عندن القريدس المشوي، فتة القريدس الإستثنائية، أو القريدس بروفينسال، وكل طبق بيكون مليان نكهات غنية. هيدا كلو عدا عن كالمار طازة ومقلي، وحتى سمكة حرة! وإذا عبالكن مشاوي مع مازة لبنانية غير شكل، طلبكن موجود!

Plage Des Rois حاصلين على Q Platinum Award لسلامة الغذاء أو ال Food Safety وهالشي بخلي لقمتن طيبة وبمعايير عالية. بتلاقوا عندن أجود أنواع المأكولات البحرية الطازة والشهية.

كل طبق محضر بعناية ليعطيكن تجربة أكل بحري مميزة، وكل هيدا ع منظر بياخد العقل للبحر! سواءً كنتوا مع الأصحاب أو العيلة، هالمكان بيجمع بين الجودة العالية، الذوق الرفيع، الخدمة الممتازة، والتجربة الشهية. وع فكرة المطعم مفتوح كل يوم من الساعة 11 الصبح لحد نص الليل!

مقصد حلو للعيلة والولاد!

عبالكن تضهروا مع ولادكن؟ كل يوم من 20 حتى 29 كانون الأول تعوا ع الغدا وبيقدروا ولادكن ينبسطوا ب Animation ببلاش. هالمطرح وجهة مثالية للعيل، خاصةً إنو كمان عندن ملعب للولاد ليلعبوا ويقضوا وقت حلو.

بوفيه كريسماس هيدا الشهر!

هلق مع موسم الأعياد، كلنا عم نبرم ع محل لنعيش جو الميلاد مع عيلتنا والناس يلي منحبّن. ناطركن عند Plage Des Rois بوفيه غدا الكريسماس ب 25 كانون الأول، مع أجواء ممتعة من Live stations، و Parade للكبار والصغار، و Animation للولاد ببلاش ع العيد!

Plage Des Rois بيشاركن أفراحكن!

عم تخططوا لعرس الأحلام ع البحر أو مناسبة رومانسية خاصة؟ Plage Des Rois بيحول كل لحظاتكن الحلوة لذكريات ما بتنتسى!

شط البحر، غروب الشمس، وفريق محترف بيهتم بكل التفاصيل بيخلّي مناسباتكن الخاصة خيالية.

هالمنتجع هو وجهتكن المثالية بكل موسم وكل مناسبة. زوروهن، استمتعوا بالجو الحلو، أطيب المأكولات، وخدمات من القلب! للحجز، اتصلوا على الرقم 051 810 71. وما تنسوا تابعوا حسابن ع إنستغرام هون.