لقينالكن كافيه بنص زحلة بتتلج فيه كل يوم!

وسط سحر شوارع زحلة العتيقة، كافيه OURS عم يقدم تجربة فريدة بموسم الأعياد. كل ليلة، بيتحوّل هالكافيه لمطرح شتوي ما بتشوفوا إلا بالأفلام.

تلج بنص زحلة! كل يوم الساعة 8 المسا، بتتلج عند OURS Cafe— وبيخلق جو وتجربة خيالية رح تبهر الكبار والصغار. كافيه OURS رح يقدملكن ذكرى عنجد ما بتنتسى!

بس شوفوا هالفيديو:

شو في أحلى من إنكن تحتفلوا بالعيد مع تجربة كريسماس من الأحلام؟ من اللحظة يلي بتفوتوا فيها، كافيه OURS بياخدكن لعالم العجايب الشتوي مع أضوية لامعة، زينة بتفرفح القلب، وأجواء مكنكنة رح تنغرموا فيها. بس السحر الحقيقي ببلّش برّا: كل يوم، ماكينة التلج بتخلق جو خيالي بيخلّيكن تحسوا بفرحة الكريسماس بكل لحظة.

من أبرز الحلويات على منيو الكريسماس عندن هي الـ Christmas Pine Cone Brownie—براوني طري وغني بالشوكولا معمول ع شكل الصنوبر! أديه مهضومة هالفكرة؟

جربوها مع فنجان من الشوكولا السخنة من OURS، بتجي غنية، كريمي، وبقلبها Chocolate bomb على شكل دب، بتدوب بقلب الفنجان وبتعطي طعم خيالي. ولعشاق الكوكتيلات، عندكن كوكتيل Mistletoe بيتقدّم بقلب زينة الميلاد، وكتير طيب! عنجد عندن كم شغلة خاصة بالميلاد بتقدروا تختاروا منها، ونحن للصراحة مغرومين فيهن.

المنيو عندن بتقدم ترويقة كل النهار، من البيغل الطيب للأطباق اللبنانية الخفيفة والتقليدية. وكمان بيقدموا تشكيلة من الساندويشات، السلطات الطازة، والحلويات اللي بتحلي قلبكن.

وأحلى شي بهالتجربة؟ ولادكن بيقدروا يعيشوا يوم تلج خيالي مخصّص بس إلن! كل نهار أحد الساعة 6 المسا، الكافيه بيعمل عرض مميز للصغار، وفيه بيقدروا يقابلوا دب قطبي ضخم مع التلجات عم تنزل عليهن، لحتى تكون زيارتن مليانة سحر وعجايب وفرح!

هيدا للصراحة أروع كافيه لتعيشوا أجواء الكريسماس فيه هالسنة!

هنّي فاتحين كل يوم من الساعة 8 الصبح حتى الساعة 11:30 المسا. لتعرفوا موقعن بالزبط وين بزحلة، اكبسوا هون! لمعلومات أكتر، فيكن تتصلوا فيهن على 238 394 03 , أو تتواصلوا معن عبر إنستغرام.

مغرومين بـ OURS Café؟ شوفو قسم #كريسماس 2024 للمزيد من محتوى الميلاد.