آغورا: جوهرة بيروت المخفية بجنينة وتجارب مميزة

عبالكن تكتشفوا معنا جوهرة مخفية بقلب شوارع بيروت؟ بتلاقوا آغورا تحديداً بالأشرفية، عبارة عن بيت لبناني عتيق تحوّل لمطعم وكافيه وبار بقعدة ساحرة وجو بيناسب مختلف القعدات والمناسبات، مكان مميّز لتجربة ما بتنتسى!

جوهرة مخفية بتجمع كل شي!

آغورا بيتميز بديكور البيت البيروتي القديم من شبابيك الخشب الحمرا للقناطر العالية. عندن مساحة داخلية واسعة مناسبة لمختلف الجمعات، مع تراس لطيف وجنينة رايقة بنافورة ميّ وخضار وين ما بتبرموا. اقعدوا عندن، اطلبوا قهوة، واستمتعوا بالجو اللطيف والقعدة الرايقة بين الشجر.

ع الترويقة عندن أطباق شهية ومخبوزات طازة متل خبزة ال Bagel البيوتية يلي بيحضروها عندن، وع الغدا أو العشا فيه مأكولات عالمية متنوعة بتناسب كل الأذواق.

آغورا مش بس كافيه، بالمسا بيتحوّل هالمكان لبار بيقدم تشكيلة من الكوكتيلات المقدمة باحتراف. بتحضروا عندن حفلات موسيقى لايف من ليالي الجاز لسهريات العود. مكان مثالي لترتاحوا بعد الشغل أو تستمتعوا بليلة ممتعة مع أصحابكن.

آغورا مساحة للكل!

آغورا بيقدم الأجواء المناسبة لكل المناسبات. سواءً كنتوا عم تبرموا ع محل للاسترخاء، أو للشغل، أو للاحتفال، آغورا بيوفّر مجموعة متنوّعة من الخدمات لتلبية كل احتياجاتكن.

عبالكن تخلصوا شغلكن ع رواق؟ آغورا عندن مساحة للشغل من غرفة للاجتماعات الخاصة أو ورشات العمل، لخدمة Work From Agora لكل حدن بيشتغل عند بعد. هيدي الخدمة بتأمنلكن مساحة رايقة وقهوة عادية أد ما بدكن بس ب 5$ ع الشخص!

ومش بس هيك! بتلاقوا عند آغورا غرفة خاصة للولاد فيها ألعاب تعليمية وكتب. هيدي المساحة بتوفر فرصة للأهل لاستمتاع بوجبتن أو قهوتن ع رواق هني وولادن مشغولين بنشاطات مفيدة.

آغورا حتى مناسب لضهرة مع الحبيب! عندن package للمواعيد الغرامية، مع نشاط رومانسي اسمو Things I Love About You أو “٥ أشيا بحبّها فيك” لتتقربوا من الشريك وتعيشوا جو حميمي وممتع مع بعض.

احتفلوا بمناسباتكن عند آغورا!

بتعرفوا فيكن تحتفلوا مع الناس يلي بتحبوهن عند آغورا؟ من العمادات، وأعياد الميلاد، والأعراس الزغيرة، وحفلات الخطوبة، ودايماً بيحرص يقدّم تجربة مميزة لكل ضيوفو بمناسباتن الخاصة.

هالمطرح ببيروت بيقدملكن كل شي مطرح واحد ورح يصير مقصدكن المفضل لمختلف التجارب! ما تنسوا تابعوهن ع الإنستغرام هون. للمزيد من المعلومات، اتصلوا على 304 109 70.