كل شي لازم تعرفوه عن نعمت عون: السيدة الأولى المنتظرة!

مع اقتراب إنتخاب رئيس للبنان (إن شاء الله!)، في احتمال إنو نعمت عون تصير السيدة الأولى للبنان. لهيك جمّعنا عنّها شوية معلومات، خلّونا نتعرف عليها أكتر!

حياتها العائلية

نعمت عون متزوجة من قائد الجيش جوزيف عون، وعندن ولدين: خليل ونور. وكمان هني جدّو وتيتا للزغير جوزيف، لي بيحمل اسمه أكيد!

دراستها

نعمت درست بثانوية سانت فاميّ فرانسيز بفنار، وبعدها كملت البكالوريا اللبنانية. ورجعت نالت شهادة البكالوريوس بعلوم المختبر من الجامعة اللبنانية.

حياتها المهنية

اشتغلت بمجال الخدمات الفندقية، وكانت مديرة قسم الضيافة بجامعة LAU لحد سنة 2016.

صراحة، ما قدرنا نلاقي معلومات كتيرة عن نعمت عون، لأن الظاهر إنها بتحب تحافظ على خصوصيتها. بس بحسب سكاي نيوز عربية، هيي مركّزة على الأعمال الخيرية، من مساعدة العائلات المحتاجة، لتلبية احتياجات إنسانية، وقيادة مبادرات لخدمة العسكر والمجتمع اللبناني.

إذا عجبكن هالمقال عن نعمت عون، تأكدوا تقروا: أهضم نكت اللبنانية ع تويتر عن الإنتخابات الرئاسية.