طرابلس مش بس مدينة التاريخ والسوق العتيق والبحر الساحر، هي كمان عاصمة الأكلات التراثية الطيبة والنكهات يلي ما بتلاقوها بمطرح تاني. ومن بين الأكلات الطرابلسية يلي بتخطف القلب قبل البطون، أكلة “المعجوقة” التراثية. إذا بعد ما جربتوها، لازم تجربوها وما بتلاقوها غير بطرابلس، وبالتحديد عند الدبوسي يلي صار عندو فرعين ليقدم أطيب النكهات الطرابلسية الأصيلة.
المعجوقة حلو تقليدي بتفوح ريحتو من شوارع طرابلس. محضر بجو طرابلسي بامتياز، جبنة شغالة بيدوبوها بمهارة، بيضيفوا فوقها سميد مغمس بمية ورد، ومن بعدها بينعمل عجينة بينرش عليها السكر الناعم. النتيجة؟ طعمة معتدلة، منا غرقانة بالحلا، وما بتلاقوها إلا بطرابلس. والأحلى إنو فيكن تطلبوها بصحن أو بكعكة، وبتطلع ولا أطيب بس تتقدم مع فنجان قهوة ليتكمل المشهد.
Credits: Faroukit
الدبوسي مش إسم عادي بطرابلس، هوي محل بيجمع كل النكهات الأصيلة يلي بتحسسكن بعبق المدينة. صار عندن فرعين بالضم والفرز وسوق التربيعة، وكل فرع بيقدملكن تجربة مختلفة ومميزة. شو في عندن؟
Credits: mazak
المغربية بسمنة حموي وصنوبر، هالأكلة الطرابلسية الفاخرة رح تخطفكن بطعمتها. بتحضر ساخنة، مفعمة بالنكهات، مع صوص وبهارات بتفتح النفس. بالصحن أو بالسندويش، الخيار لإلكن، بس بكل الحالات الطعم واحد: رهيب!
شاورما على الحطب: شاورما اللحمة الغنم يلي بتستوى عالحطب حكاية بحد ذاتها. طرية، مليانة نكهات، ومستحيل تقدروا تاكلوها وما تطلبوها مرة تانية.
خرطوشة شاورما: إذا كنتوا عبالكن شي سريع وخفيف، عندن خرطوشة زغيرة تسد الجوع. أما إذا بدكن شي يشبع أكتر، سندويشات الشاورما عندن عالم لحالها.
رايحين كزدورة على طرابلس؟ المدينة يلي بتجمع التاريخ، الجمال، والطعمات يلي ما بتنسوها؟ طرابلس مش بس مدينة، هيي تجربة بكل معنى الكلمة. من أثرياتها وأسواقها لمناظرها وأكلاتها، هي محطة لا غنى عنها. وإذا كنتوا رايحين قريباً، زوروا الدبوسي وخودوا فرصة تدوقوا النكهات الطرابلسية الأصيلة بأجمل صورة.
شهيناكن ولا بعد؟
ضروري تطلعوا عطرابلس قريباً وتجربوه، ما بتندموا. صحتين!
وين بتلاقو الدبوسي؟
الفرع الأول: الضم والفرز، مقابل جامع الرحمن
الفرع التاني: سوق التربيعة، جنب أفران طليس
الرقم: 081 310 81