مايكل بوبليه ووائل كفوري أبدعوا بديو ساحر بحفل Joy Awards 2025

إذا فكرتوا بشي مشهد بيجمع بين السحر والرقي، فما فيكن تفوتوا ديو مايكل بوبليه ووائل كفوري بحفل Joy Awards 2025! هالحفلة يلي خطفت الأنظار بالسعودية كانت الحدث الأكبر، وجمعت أهم الفنانين من كل أنحاء العالم.

وائل كفوري ومايكل بوبليه على نفس المسرح

مين كان بيتوقع يشوف ملك الإحساس وائل كفوري وملك الجاز مايكل بوبليه بأداء واحد؟ وائل أطل على المسرح بأسلوبه اللبناني الراقي، وشارك بوبليه بغنية “My Way”. الغنية يلي كانت خليط بين العربي والإنكليزي ويلي تقدّمت كلوحة موسيقية فنية بتعكس جمال اللغتين والصوتين.

نسخة عربية بتوقيع وائل

بوبليه أبدع بنسخته الأصلية للغنية، ووائل فاجأ الكل بغنائه النسخة العربية بأسلوب جديد ومميز. هالغنية، الأصل تبعها “Comme d’habitude” الفرنسية، كانت بصوت كفوري قطعة نادرة خلّت الحضور ما يوقفوا زقيف.

حفلة بتجمع العالم كلو

Joy Awards 2025 كان أكتر من مجرد حفل. موسم الرياض قدّم عرض عالمي جمع كريستينا أغيليرا يلي غنّت أشهر أغانيها، ومحمد عبده يلي عمل ديو أسطوري مع أندريا بوتشيلي. وكأنو العالم كلو اجتمع بهالليلة تحت سقف واحد.

الحفلة ما كانت بس موسيقى، كانت لحظة بتجمع الثقافات، الأصوات، والإحساس بمكان واحد. وائل ومايكل خلقوا لحظة بتعيش بالذاكرة، أكدت إنو الموسيقى ما بتعرف حدود.

إذا ما حضرتوا الحفلة، رجعوا حضروها وما تروحوا على حالكن فرصة تشوفوا الفن بأجمل صورة!

شوفوا كمان، “هاي تيتا”…شوفوا أهضم ترند انعمل ع تيك توك!