أفضل ٧ مطاعم ببيروت بتناسب كل الأذواق!

شغلة بتصير معنا كل مرة بدنا نضهر ناكل: بتكونوا عبالكن شي معين بس ما بتعرفوا لوين تروحوا. هيدا دليل بياخدكن حول بيروت ع أفضل مطاعم تجربوها حسب شو عبالكن أكل، من السوشي للأكل الإيطالي وحتى البرغر!

1. إذا عبالكن سوشي: سوشي بيل بالحمرا

لمحبي السوشي، إذا كنتوا عم تفتشوا على محل جديد لتجربوا، هيدا المطعم المخبى بالحمرا لازم يكون على ليستة التجارب تبعكن. بتلاقوا دغري مقابل لي بيروت بشارع المقدسي، سوشي بيل هو المكان المثالي لعشا طيب مع الأصحاب.

سوشي بيل قاعد بشارع رايق، هالمكان بخليكن تستمتعوا بأحاديث حلوة انتو وعم تدوقوا الماكي الأصلي والساشيمي يلي بدوب بالفم.

هالجوهرة المخباية من أكتر مطاعم السوشي المحبوبة ببعقلين! وهلق جايبين نكهاتن اللذيذة ع بيروت ولازم تجربوا إذا غرامكن السوشي.

لمزيد من المعلومات، تأكدوا إنكن تشوفوا إنستغرام تبعهن! فرع الحمرا فاتح كل يوم ما عدا الاثنين، من الساعة 12 الضهر ل 11 بالليل.

الرقم: 292 226 71

2. إذا عبالكن سماشد برغر: بانمان بمار مخايل

بانمان مطعم مثالي لكل يلي بيحوا خبرية smashed برغر.

عندن تلات خيارات أساسية للبرغر: كلاسيك تشيز برغر، بانمان تشيز برغر، وبيغ مان.

3. إذا عبالكن شي لبناني: أم شريف ديلي بوسط بيروت

إم شريف ديلي بتقدم أطيب لقمة لبنانية تقليدية بمفهوم جديد!

من أهم الأطباق على المنيو هنّي السجق الهوت دوغ، سندويش البسطرمة (الـ BLT)، وآيس كريم الشوكولا بزيت الزيتون. هيدا الديلي من الأماكن القليلة اللي بتستحق عنجد كل الضجة!

4. إذا عبالكن طبق ستيك فرايت: Le Relais de l’Entrecote بالأشرفية

مطعم ستيك فرنسي كلاسيكي، ويعتبر محطة أساسية لمحبي الستيك. بتلاقوا بشارع عبد الوهاب وبيقدملكن عشوات بتشهي.

بعد ما تخلصوا ستيك فرايت وكاسة النبيد، لازم تجرب البروفترول المشهورة عندن أو الفاشارين بالشوكولا الخاصة!

الرقم: 088 332 01

5. إذا عبالكن أطيب وجبة برنش: إيست فيليدج بالأشرفية

كنتوا تعرفوا إنو East Village عندو واحد من أطيب البرنشات بالمدينة؟ نحنا كان عنا الفرصة نزورها ونجرب المينو الجديد للبرانش عندن، والموجود بس بفرع الأشرفية.

من التوست الفرنسي بالفطر الشهي للسمك السلمون مع الأفوكادو والبيض، البرانش عندن تجربة ما بتنتسى.

الرقم: 375 327 01

6. إذا عبالكن أكل مكسيكي: El Pastor بالجميزة

عبالكن تستمتعوا بأجواء ليلية مع ألذ الأطباق المكسيكية؟

تاكوس والمارغريتا المنعشة بتلاقوها بهالمطعم المميز.

الرقم: 596 536 03

7. إذا عبالكن الأكل الإيطالي: Mamma in Cucina بجميزة

واحد من ألذ المطاعم الإيطالية ببيروت يلي بتاخدكن رحلة ع روما!

غير المعكرونة الكريمية والبيتزا الشهية، هالمكان معروف كمان بتشكيلة من الجبنة واللحوم الباردة والنبيد!

الرقم: 540 400 81

شوفوا كمان، أجمل ٩ كافيهات مع جنينة بقلب بيروت