١٠ كافيهات ببيروت خرج ضهرة رومانسية مع الحبيب

يا حبيب ويا حبيبة، الشتوية هي فصل الحب. ما في أجمل من القعدة المكنكنة مع فنجان قهوة سخن وإيدين متشابكة مع اللي بتحبو. إذا عبالكن ضهرة بتخلق ذكريات حلوة وبتغرقكن بالأجواء الرومانسية، تعو نكتشف ١٠ كافيهات ببيروت مثالية لهالضهرة.

١. شفة، وسط بيروت

هالمكان متل ما بيقول إسمو، بيخليكن تشرب شفة شفة من الحب. قعدة بتفتح النفس بوج آثار بيروت العريقة. بتشوفوا تاريخ المدينة بكل تفصيل، والقهوة هون بتكمل القصة. إذا عبالكن ضهرة بسيطة ومعبرة، شفة هوي العنوان.

الرقم: 677 956 81

٢. كافيه أمور، الأشرفية

إذا الحب كلمة، فكافيه أمور هوي المعنى. القعدة هون دافية وكلا حب وحنية. فنجان قهوة مع قطعة حلوة عالقعدة وأغاني رومانسية فرنسية بتخليكن تحسوا إنكن بفيلم حب كلاسيكي. الجو هادي والديكور بسيط بس مليان دفى، وبيخلق مساحة بتخليكن تتذكروا قديش الحب بسيط وحلو.

الرقم: 855 308 71

٣. كافيه دو موناكو، وسط بيروت

إذا بتحبو الفخامة بس بطابع بسيط، كافيه دو موناكو هو المحل. موقعه بوسط بيروت بيخلي الأجواء كلها راقية، وقهوتن مش بس طيبة، إلا من اللي ما بتنتسى. قطعة الحلو جنب القهوة بتكمل الصورة. جلسة رومانسية مع طلة على المدينة وموسيقى خفيفة رح تخلي هاللحظات مليانة حب.

الرقم: 818 991 01

٤. Bouquet Délicieux، بدارو

وين فيك تلاقي الحب والورد بنفس المكان؟ هون! كافيه صغير وحميم بيجمع القهوة مع ريحة. الورد. الستات بيعشقوا الورد، وهون فيكن تختاروا باقة زهور مرتبة وتقدموها للحبيبة. ما في شك إنو ريحة الورد بالجو، مع فنجان القهوة الحلو، بيخلوا القعدة مليانة رومانسية ودفا.

الرقم: 291 201 03

٥. نوغي، الأشرفية

بأجوائه الزغيرة والمريحة، نوغي بيخليكن تحسو إنكن بكافيه بباريس مليان دفى. قهوتن طيبة والحلو من عالم تاني، والديكور دافي بيخلق أجواء بتجمع بين الراحة والرومانسية. إذا بدكن ضهرة بلا ضجة بس كلها إحساس، هون المحل.

الرقم: 891 919 71

٦. The Slow Café، مار مخايل

إذا عم تدوروا على مكان يبعدكن عن ضجة بيروت، The Slow Café هوي المكان المناسب. قعدة بسيطة بتاخد العقل، وأجواء هادية بتخليكن تسترخوا إنتو والشخص اللي بتحبوا. القهوة هون قصة بحد ذاتها، ومتل ما بيقولوا: البساطة هي سر الجمال.

الرقم: 470 858 78

٧. La Ménagerie، الأشرفية

محل بيجمع الحب والورود بنفس الوقت. هون فيكن تقعدوا قعدة دافية مع الحبيبة وتشربوا قهوتكن، وبنفس الوقت تختاروا وردة أو باقة مرتبة. المحل بيخلق جو مش بس دافي، بس مليان مشاعر حلوة.

الرقم: 499 500 71

٨. Joy Beirut، قريطم

هون الحب مش بس قهوة، هوي ورد، بالونات، وكيكات طيبة! إذا عبالكن ضهرة بتضوي عيون الحبيبة، هيدا الخيار. كل تفصيل بالمحل بعبر عن فرح ورومانسية. المكان مثالي إذا بدكن تحضروا مفاجأة زغتورة أو تعيشوا لحظة كلها حب.

الرقم: 589 996 03

٩. Pavilion Café، المتحف

مكان مش تقليدي، كافيه قاعد بقلب متحف بيروت الوطني. القعدة هون مش بس رومانسية، هيي ثقافية وساحرة. إذا بدكن تجمعوا بين الفن والحب، القهوة هون بتكون أحلى مع قطعة حلو على جنب.

الرقم: 531 115 79

١٠. Lily’s، وسط بيروت

إذا كنتو عم تدوروا على محل شيك وأنيق، بيقدم قعدة مثالية. موقعو بوسط بيروت وتصميمو المميز بيخلوا المحل اختيار ممتاز لضهرة كلها حب وفخامة. القهوة لذيذة، وأجواء المحل بتحكي عن الرقي والرومانسية بنفس الوقت.

الرقم: 858 786 03

وين ما قررتوا تقضوا ضهرتكن، الأهم إنكن تكونوا مع الشخص الصح. المحلات بتروح وبتجي، بس الذكريات الحلوة بتبقى محفورة بالقلب.

شوفوا كمان، أطيب ترويقة مع أجمل فيو ع خليج جونية هون