لقينا أقدم تسجيل للنشيد الوطني اللبناني!

جاهزين لجرعة نوستالجيا؟ لقينا أقدم تسجيل للنشيد الوطني اللبناني، راجع لـ1928!

هيدا التسجيل نشرته صفحة Heritage and Roots، لي أسسها المؤرخ شارل حايك، المعروف بشغفه بتاريخ المنطقة. الصفحة بتبسط القصص التاريخية بطريقة شيّقة، لتخلي الكل يتفاعل مع تاريخو ويعيشو.

فيكن تسمعوا التسجيل هون:

الشاعر رشيد نخلة كتب كلمات النشيد، أما اللحن فمن توقيع الموسيقار الكبير وديع صبرا. وأقدم تسجيل للنشيد، لي صار بـ1928، كان باستوديوهات بيدافون ببرلين، وبصوت مارغريت حبيبة مسيكا، الفنانة التونسية اليهودية.

بيدافون استوديوز كان واحد من أقدم استوديوهات التسجيل بالشرق الأوسط، بتقدروا تقروا عنو هون.

أما عن الإشاعات لي بتقول إنو لحن النشيد اللبناني مسروق من جمهورية الريف، فحايك وضّح إنو هالكلام ما إلو أي أساس. الجمهورية الريفية (1921-1926) ما كان عندها نشيد رسمي أصلاً! والقصة كلها صارت بسبب فيلم وثائقي مغربي من الخمسينات، لي استخدم لحن نشيدنا بمشاهد من 1959.

شوفوا كمان، مين هو عاصي الرحباني، الرجل يلي نقتو فيروز!