١٤ مطعم عندن أطيب طبلية لحمة نية بلبنان

غرامكن اللحمة النية؟ إن كان ملسة، كبة، فراكة، سودة، إخترنالكن ١٤ مطعم عندن أطيب طبلية لحمة نية بلبنان.

1. مطعم المختار، جنسنايا صيدا

من أفضل المطاعم لتجربوا اللحمة النية بلبنان. عدا عن الفراكة الجنوبية يلي بتشهي، عندو ملسة رائعة.

الرقم: 012 230 07 – 855 434 03 – 755 434 03

2. مطعم دار بيروت، الجميزة 

دار بيروت هو من ألذ المطاعم اللبنانية يلي بتقدم طبخات تقليدية بالعاصمة.الخبرية إنو كمان عندو لحمة نية بتشهي، خصوصي مع بصل ونعناع ورشة زيت زيتون، وأكيد ما مننسى معن كاس العرق.

الرقم: 888 011 76 – 888 571 01

3. مطعم أبو عبدو – خلدة والمنصورية وعرمون

أبو عبدو عندو ملحمتو الخاصة يلي بتقدم المشاوي و اللحمة النية ع أنواعها! بتاكلو لقمة نية طازة أو سودة بتشهي، مع نعناع وفليفلة ع الجنب. 

الرقم: خلدة 086 375 76 – المنصورية 316 912 03 – عرمون 935 111 71.

4. مطعم إم شريف، الأشرفية

اللحمة النية ع طريقة إم شريف أبداً ما بتتفوت، مع فجل وخضرة وزيت زيتون يا عين!

الرقم: 119 919 03

5. مطعم الشالوف، جزين

طبلية الفراكة الجنوبية مع العرق الجزيني بتلاقوا عند مطعم الشالوف، بيقدملكن سفرة لبنانية كريمة وملونة بألذ المازة والأطباق التراثية. 

الرقم: 774 781 07

6. مطعم جوليا بيروت، الأشرفية

جوليا هو مطعم بيتفنن بالكبة النية ع الطريقة الشمالية بنص بيروت! لحمة نية مدقوقة بالجرن، ومزينة بأشهى المكونات، الأطباق عندن كأنو لوحة تراثية من زغرتا. 

الرقم: 833 187 70

7. مطعم الشمس، عنجر

ميلوا عند أطيب مطعم لبناني أرمني بالبقاع، ودوقوا الكبة النية الطازة مع سفرة بتجنن من الأطباق اللبنانية.

الرقم: 800 620 81

8. مطعم السنابل، النبطية

‏ لقمة جنوبيّة من قلب النبطيّة! سفرة غير شكل، طبلية اللحمة النية مع الفراكة الجنوبية المقدمة بتحويشة الكبة، والريحة يلي بتفتح النفس!

الرقم: 819 919 71

9. Mhanna – زحلة وأنطلياس وعمشيت 

مطعم أصيل وعريق بيقدملكن اللحمة النية ع أنواعها متل التحفة الفنية! منظرها لوحدو بيحكي!

الرقم: زحلة 634 800 08 – أنطلياس 622 599 76 – عمشيت 610 109 03

10. مطعم منير ، برمانا

بتلاقوا عند منير اللحمة النية ع أصولها وبكل بساطتها، مع كاس عرق ومازة لبنانية كتير رح تبسطكن!

الرقم: 900 873 04

11. مطعم عبد الوهاب – الحازمية، سوديكو، الأشرفية

مطعم عبد الوهاب غني عن التعريف، وعندو أطيب أكل لبناني. جربوا عندو الكبة النية، مع تبولة وخضرة ورشة زيت زيتون وانغرموا بكل لقمة!

الرقم: الحازمية 000 548 71 – سوديكو 551 200 01 – الأشرفية 120 211 01

12. مطعم بيتنا إكسبرس، طرابلس

اطلعوا ع طرابلس ودوقوا الكبة النية يلي بيعملها مطعم بيتنا، فوقها فستق حلبي وجنبها فليفلة وخضرة طازة.

الرقم: 583 181 70

13. مطعم بيت ستي – زغرتا وإهدن 

الكبة النية الزغرتاوية بدها مشوار ع عروس الشمال زغرتا لتدوقوها ع أصولها من تحت إيدان أهلها!

الرقم: 000 841 81

14. مطعم عنب بيروت، مار مخايل 

مطعم عنب بيروت محبوب كتير لأنو اللقمة اللبنانية يلي عندو أصيلة وبتشهي، وأكيد ما تنسوا تجربوا عندو اللحمة النية!

الرقم: 441 444 01

شوفوا كمان، ٥٠+ مطرح رومانسي لأجمل ليلة ع الفالنتاين بلبنان