جربوا ترند الشوكولا بالفريز والفستق المشهور بالعالم هون!

ترند شوكولا دبي بعدو مكفي بلبنان وبقوة ولكن هلق بشكل جديد! كباية من الشوكولا بالفستق والفريز صار ترند وقالب السوشيل ميديا فوقاني تحتاني، والكل عم يجرب يعمل نسختو الخاصة بالبيت. بس وين فيكن تجربوا هالترند ببيروت؟

إذا ما عندكن فكرة عن شو عم نحكي، حضروا هيدا الفيديو:

Bakerloo دايمًا بتقدملكُن أشهى الإبداعات لكل شخص غرامو الحلويات.

مش بس بيعملوا دوناتس، كمان هني أول محل عمل ترند الهوت شوكليت السموورز بلبنان. فيكن تشوفوا تجربتنا هون:

هالأسبوع، نزلوا نسختن الخاصة من كباية الفريز والفستق بالشوكولا اللي انتشر بشكل واسع. مقدمة بالفريز الطازة، عجينة الفستق، العثملية، وشوكولا بلجيكية بالحليب.

كباية من هالشوكولا حقّها 7 دولار. إذا بتحبوا فيكن تجرّبوه، أو فيكن دايماً تشاركوها مع رفقاتكن.

تاكدوا تشوفوا حسابن على انستغرام لتكتشفوا المزيد من الحلويات يلي عندن. بايكر لو عندن فروع بفرن الشباك، ضبية، وشارع بلس. للمزيد من المعلومات، اتصلوا على 643 180 70.

شوفوا كمان، اختراع جديد من حلويات السلطان: كرونات!