مطعم بيرجعك للزمن الجميل.. أكل عالفخار وعرق عالكركة!

إذا كنتوا من محبي الأكل الأصيل والطعمات اللي بتشبه ذكرياتنا، هيدا المطعم “عالكركة” بعاريا رح ياخدكن بجولة عالزمن الجميل. معظم أكلاتن معمولة على الفخار، يعني الطعمة بتجي أطيب بكتير، وكأنها طالعة دغري من مطبخ التيتا. هون في أكلات ما بتلاقوها وين ما كان، متل ضلوع السلق، الكشك الأخضر، زهرة بطحينة، لبنة معزة ملفوفة ببسطرما، وكتير أطباق من نكهات الماضي اللي شبه انقرضت من المطاعم.

وإذا كنتوا من عشاق الأكلات التقليدية، جهزوا حالكن لأن عندن خيارات بتشهي، متل السمكة الحرة، خدود البقر، السناسل، الفوارغ، الكراعين، اللسانات، والعصافير. كل طبق معمول بإتقان وكأنو أكلة بيتوتية معمولة من ديات ست الكل. نكهة الأكل على الفخار بتزيدو طعمة خيالية، وما بتلاقوا متلها بمحل تاني.

أما المفاجأة الحقيقية؟ هون العرق بينعمل قدامكن وعلى أصولو! الكركة شغالة، والعرق عم يتقطر نقطة بنقطة قدام عيونكن. وإذا بتحبوا شي مميز، جربوا كوكتيلات العرق، طعمة بتجمع بين التقليد والستايل العصري، تجربة عن جد ما بتتفوت.

وما خلصنا هون! لأن عندن بوظة العرق، شي ما بتشوفوا بولا محل. نكهة منعشة ومميزة، ولازم تجربوها لتعرفوا ليش هالاختراع فريش وبيبورد القلب. بين الطعمة الغنية واللمسة الفريدة، كل لقمة بتعيشكن تجربة غير شكل.

إذا عبالكن تعيشوا هالجو التراثي وتاكلوا أطيب أكل على الفخار، عالكركة موجود بعاريا، للحجز أو الاستفسار اتصلوا على 080 636 81، وما تنسوا تخبرونا رأيكن بعد ما تجربوا!

شوفوا كمان، اختراع جديد من حلويات السلطان: كرونات!