لقينا أطيب مطعم دجاج مقرمش بلبنان!

لعشاق الدجاج الكرسبي، ممكن نكون لقينا المحل يلي بقدّم لكم أكتر دجاج مقلي مقرمش بلبنان. KUKU Chix Joint هو محل جديد فتح بخلدة لعشاق الدجاج المقلي اللي ما بيقدرو يقاومو القرمشة. يلا شوفوا شو لازم تعرفوا عن هيدا المحل الجديد وليش لازم يكون من ضمن الأماكن اللي لازم تزوروها إذا بتحبوا الأكل.

على المينو: أطيب دجاج كرسبي

المنيو تبعن مش مزحة، مليانة خيارات من الدجاج المقلي لدرجة إنّكن ممكن تحتاروا شو تختاروا. بس هيدا الي لازم تجربو أكيد:

أكلاتن المحبوبة أكتر شي:

2 KUKU’s Chix (8 دولار) – وجبة من دجاج ناشفيل المقلي المطبوخ بعناية، مجهز مع صوص الخاص فيهن.

لكل اللي بحبوا البرغر الحر:

برغر ناستي (9 دولار) – دجاج مقلي، فوقو خس آيسبرغ، كبيس، جبنة شيدر و جبنة أمريكية، هاني باني، وصوص ساموراي حار.

لعشاق البطاطا المقلية وعجقة الأكل:

Healers ( دولار 9.5) – بطاطا مقرمشة مع قطع دجاج مقلية، كافاتابي باستا، كمية محرزة من الجبنة، بصل مقرمش، مقرمشات متبّلة، وصوص الهوني باني والرانش تبعن.

الديكور عندن كتير مهضوم!

ديكورن عنجد مهضوم، وما فيكن ما تنتبهو لهيدا المطرح وانتو عم تقطعوا بالسيارة — في دجاجة كبيرة قدام المحل.

بس إذا كنتوا عم تدوروا على مطرح تقعد في وتستمتعوا بالأكل، هيدا المكان مش أحسن خيار. حتى لو عندن شويي قعدات، المكان أحسن للناس اللي بدها شي سريع أو تاخد الأكل وتروح.

تقييمنا النهائي:

محبّي الدجاج المقلي لازم عنجد يجربوا هالمكان. مثالي لما تشتهوا شي مقرمش على الآخر.

مننصحكن كتير تروحولكن شي مرة مع أصحابكن وتقعدوا تشاركوا وجباتكن سوا — الأكل يلي بيقدموه عن جد دسم. إلا إذا طلبتوا برغر كلاسيكي أو راب، ما فيكن تخلصوا وجبتكن لحالكن.

وما تاكلوا هم الدجاج؛ بيجيبوها من عند هوا تشيكن.

إذا بدكن تعرفوا معلومات أكتر، تأكدوا تشوفوا إنستغرام تبعن! المطعم بيفتح من التلاتا للأحد من الساعة 1 بعد الضهر لحتى 1 نص الليل. وإذا بتضيعوا بالطريق، اكبسوا هون لتشوفوا الموقع بخلدة.

شوفوا كمان، أشهر مطعم سناك بصور وصل ع الحمرا!