٧ ممثلين لبنانيين اختفوا ووين صاروا هلق!

في كتير وجوه لبنانية تعودنا نشوفها على الشاشة، بس فجأة اختفوا وما عدنا سمعنا عنن. وين صاروا؟ ليه غابوا؟ بهالمقال رح نحكي عن بعض الممثلين اللبنانيين يلي كانوا نجوم بأعمال مشهورة، بس هلق غايبين عن الأضواء أو صار ظهورن قليل كتير.

١. ريتا برصونا

ريتا برصونا كانت من أكتر الممثلات المحبوبة بلبنان، إسمها ارتبط بمسلسل “غنوجة بيا” رغم إنها قدمت كتير أعمال ناجحة غيره. بعد زواجها من ديبلوماسي أميركي، تركت التمثيل وتنقلت بين كذا بلد قبل ما تستقر بالسعودية. صارت أكتر ناشطة على السوشال ميديا، ومن فترة قصيرة رجعت على مجال الكتابة، بس تمثيلياً بعدها غايبة.

٢. بيتر سمعان

كمان نجم “غنوجة بيا”، بيتر سمعان، كان من الأسماء البارزة، بس فجأة اختفى عن الساحة. السبب؟ حسب تصاريحه، تم استبعاده من قبل بعض شركات الإنتاج بسبب احتكارن لاختيار الممثلين وضعف الإنتاج اللبناني مؤخراً. من فترة، صور مسلسل “سر وقدر” إلى جانب رهف عبدالله بس لهلق بعد ما نعرض، وما منعرف إذا أصلاً رح ينعرض.

٣. وليد العلايلي

نجم لبناني محبوب وقريب للقلب، عاش لفترة بسويسرا قبل ما يرجع على لبنان سنة 1995. تميز بأعمال متل “روبي” و”اتهام”، وشارك بعدد من المسلسلات الناجحة متل “عشق النساء” و”الشحرورة”. بالفترة الأخيرة، غاب عن الشاشة بسبب قلة الفرص بالدراما اللبنانية. لكنّ طل إطلالة إسنتثنائية من سنتين بمسلسل “عرابة بيروت”.

٤. آن ماري سلامة

تخرجت من الجامعة اللبنانية وبلشت بمسيرتها بأعمال متل “مجنون ليلى” و”سارة”. لفتت الأنظار بأدائها المميز بمسلسل “أجيال”، لكنها غابت عن الشاشة مؤخراً بس حالياً عم تظهر بعمل مسرحي، لكنّ الشاشة الزغيرة اشتاقت لرجعتها.

٥. جوي خوري

فاجأت الجمهور بقرار اعتزالها التمثيل سنة 2020، لكنها رجعت بعد إصرار المنتج مروان حداد. شاركت بأعمال متل “عشق النساء” و”علاقات خاصة”، لكن نشاطها التمثيلي بالفترة الأخيرة صار أقل لشبه معدوم، وآخر أدوارها كان بمسلسل “الزوجة الأولى”.

٦. نزيه يوسف

ممثل ومخرج ترك بصمة كبيرة خاصة بالكوميديا والمسرح الغنائي. شارك بأعمال متل “حبة لولو” و”رصاصة طايشة”، بالإضافة لعدة مسرحيات وبرامج تلفزيونية. أهم دور لإالو كان “”وجيه” بسلسلة “مرتي وأنا” إلى جانب كارين وفادي. كشف من فترة لموقع الفن إنو عندو مشروع جديد لمسلسل رعب قصير، لكن لحد هلق بعدنا ناطرين نشوفو.

٧. سعد حمدان

نجم الدراما اللبنانية، معروف بصوتو القوي وأدوارو المميزة، بالإضافة لكونو من أبرز الأصوات بالأداء الصوتي للأفلام الكرتونية. من أهم أعماله “غنوجة بيا” و”من الآخر” و”بلاد العز”، لكنو بالفترة الأخيرة ما عدنا شفنا بولا دور.

هول بعض الممثلين يلي كانوا بأوج شهرتن بس مع الوقت اختفوا. شو السبب؟ البعض اختار يغير مسيرته، البعض استبعد من الشركات، والبعض ببساطة ما لقى فرص تناسبه. إذا اشتقتوا لحدا منن، خبرونا بالكومنتات!

شوفوا كمان، صاحبة غنية “لما بمشي على الرصيف”، مين هيي وليش اختفت؟