أطيب 9 محلات بتقدم شاورما تركية بلبنان

من بين الأكلات الأكتر شهرة بالشوارع بلبنان هي الشاورما التركية أو الدونر التركي. مع إنو الشاورما اللبنانية كتير مختلفة عن التركية، بس كتار بيفضلو الدونر التركي لأنو فيه التوابل مميزة، الخبزة طيبة، واللحمة طرية. لكل محبي الدونر، هيدا دليلكن لأطيب 9 محلات بتقدم شاورما تركية بلبنان.

1. حياة دونر التركي، فروع كافة

أشهر محل بيعمل شاورما تركية بلبنان! الكل مجربو وكلنا منعرف أديه الشاورما عندو طيبة، الدونر حجمها كبير، والمقبلات التركية يلي بيعملها بتشهي!

2. Meat Me، مار مخايل

هالمحل بياخدكن رحلة ع تركيا من مار مخايل! عندو دونر كباب وقطع اللحمة فيها رفيعة وبتشهي مع خبز التنور، وعندن أكلة اسكندر كباب المشهورة باسطنبول، وحتى الكنافة التركية!

الرقم: 677 397 81

3. شاورما أبو العود، فروع كافة

واحد من أكتر محلات الشاورما المحبوبة بلبنان. إن كان دونر لحمة أو دجاج، منظر الشاورما عند أبو العود لحالو بيحكي!

الرقم: كفررمان: 81888201 – صيدا 81888204 الضاحية: 81888203

خلدة: 70052016 – جديدة: 70052017

4. شاورما أبو صبحي – طرابلس و الكاسليك

مش غريب إنو ملك الشاورما بطرابلس بيقدم وحدة من أطيب الشاورما التركية بلبنان! الدونر حجمها كبير، مغرّقة بالصوص ومحشية لراسها بالدجاج أو اللحمة!

الرقم: طرابلس 949 500 76 – الكاسليك 493 500 76

5. مطعم أطيب فروج، فروع كافة

صح هالمطعم مشهور بالفروج المشوي، بس كمان عندو الشاورما ما بتتفوت! إن كان دونر التركي، شاورما بخبز الصمون العراقي، الشاورما اللبنانية، أو ميني برغر شاورما!

الرقم: حارة حريك 582 555 01 – خلدة 118 800 05

الدورة 118 800 05 – صور 279 796 70

6.  KB Doner، الحمرا

محل اختصاصو دونر شاورما ببيروت وصرلو سنين فاتح بالحمرا. مش بتلاقوا عندو دونر التركي، بس حتى الألماني!

الرقم: 512 375 01

7. شاورما أبو هيثم، البسطة بيروت

الدونر عند أبو هيثم ما بيتفوت، خبزتها طيبة ولحمتها طرية ومغرّقة بالصوص مع الخضرة والكبيس.

الرقم: 233 835 81

8. واحد شاورما، حالات

محل للشاورما كتير مميز وبيقدملكن الشاورما ع أنواعها، ومن ألذها عندو هي الدونر التركي.

الرقم: 676 707 03

9. اكسبرس بايتس – بدارو و حارة حريك

كتير رح تحبوا الشاورما عند اكسبرس بايتس. خبزة الدونر محمصة شوي، محشية دجاج، مع أطيب خلطة صوص، في ألذ من هيك؟

الرقم: بدارو 196 991 81 – حارة حريك 420 207 81

أي بتفضلوا، شاورما تركية أو شاورما لبنانية؟

شوفوا كمان، أطيب ١٢ مطعم إيطالي مش كتير معروفين بلبنان