وين بتلاقوا تاني أعلى كنيسة بلبنان؟

تخايلوا حالكن ماشيين فوق الغيوم، كل شي حواليكن أبيض، والبرد والهوا حواليكن، بس المنظر خرافي! هيدا الشعور فيكن تحسوا في بس توصلوا ع كنيسة مار يوسف بكفردبيان، تاني أعلى كنيسة بلبنان على ارتفاع 2460 متر.

كفردبيان، أعلى بلدة بكسروان، معروفة بطبيعتها الخلابة وموقعها العالي يلي بيجمع بين جمال فاريا والقمم المحيطة.

كل فصل عند هالكنيسة عندو سحرو، بس هلق هوي الوقت المناسب لزيارتها. التلج مغطيها بطريقة خيالية، والمنظر ولا أروع. لمحبين المغامرة، الطريق لإلها بدها شوية مشي، بس كل خطوة بتستاهل، خصوصي إذا بتحبوا اللقطات الحلوة للإنستغرام!

غير المناظر، هيدي الكنيسة عندها رهبة وسكينة مش طبيعية. بمجرد ما توصلوا، بتحسّوا حالكن كأنكن فوق الغيم بين السما والأرض. بتحسوا حالكن عن جد بمطرح بعيد عن كل شي، كأنو السما مفتوحة قدامكن!

إذا بعد ما زرتوها، صار وقت تحضروا عدة المشي، تلبسوا تيابكن يلي بدفوا، وتطلعوا مشوار على مار يوسف كفردبيان قبل ما يدوب التلج!

شوفوا كمان، وين أعلى كنيسة بلبنان وبالشرق الأوسط؟