من لبنان ع مرمريس، مطعم بابل المشهور جاية ع تركيا!

بخطوة جديدة ومميزة، مطعم بابل المشهور رح يفتح أول فرع إلو بتركيا! بابل رح ينقل النكهات اللبنانية الأصيلة ع المدينة الساحلية الساحرة مرمريس، مع افتتاح مرتقب بصيف 2025. ولأول مرة، بدل ما المطاعم التركية تفتح بلبنان، أفضل مطعم لبناني رايح ع تركيا ليترك بصمة لبنانية بعالم الضيافة والأكل!

من لبنان لتركيا… حكاية شغف وتميّز!

بكل فخر، مطعم بابل حائز على جائزة “أفضل مطعم لبناني 2024” بدبي، مع فروعو الناجحة بضبية وعمشيت وزيتونة باي بلبنان، وكمان بمختلف أنحاء العالم العربي من دبي، القاهرة، قطر، والكويت. بابل معروف بأسلوبو الفريد يلي بيجمع بين نكهات لبنانية تقليدية وتقديم راقي. هالشي كان عنوان تميّز بابل عن غيرو، بتقديم لمسة خاصة ع الأكل اللبناني ما بتلاقوها بأي محل.

أطباقو بتحكي قصة شغف وتفاني بالمطبخ اللبناني، من المازة الشهية للمشاوي المميزة والأكلات التقليدية، كلها بتنعمل بأجود المكونات وبأعلى مستوى من الحرفية والإبداع. كل لقمة عندن هي تجربة خاصة بتجمع الطعم الأصيل مع لمسة فخامة، وهيدي هي التجربة يلي رح تنتقل ع شط مرمريس لتفرجي العالم كلو روح الضيافة اللبنانية!

عيشوا الأصالة اللبنانية من شواطئ مرمريس هالصيف!

مرمريس هي الوجهة المثالية لأول فرع لبابل بتركيا، مدينة معروفة بالميّ الفيروزية، الشواطىء الخلابة، والسياحة الراقية. بين المطاعم العالمية والمنتجعات الفخمة، بابل رح يكون الإضافة المثالية لهيدا المشهد! بالشراكة مع Sinpaş، رح يقدم المطعم تجربة استثنائية بتجمع بين الضيافة اللبنانية والذوق الرفيع، بأجواء فخمة وطابع عصري راقي.

تركيا، جهّزوا حالكن! بابل جاييكن بصيف 2025 وجايب معو روح لبنان ع أحلى منطقة بالبحر المتوسط! العد العكسي بلّش، ترقبوا تجربة ولا أروع!

للمزيد من المعلومات، شوفوا الموقع هون أو تابعوا حسابن على انستغرام هون. للتواصل مع مطعم بابل، شوفوا الرقم: 601 989 01