“للجادين فقط” تطبيق مواعدة جديد بلبنان!

لكل العزابية، هيدا المقال إلكن! إذا زهقتوا من العلاقات العابرة، في تطبيق تعارف جديد بلبنان عم بيسهّل عليكن خبرية المواعدة. إذا بدكن علاقة جدية، تطبيق “تعارف” بيساعدكن تلاقوا الشريك المثالي – أو على الأقل حدن جدّي أكتر.

حمّلنا تطبيق تعارف Taaruf لنشوف كيف بتصير الخبرية، شوفوا معنا:

عملوا بروفايل شخصي

بعد ما تنزّلوا التطبيق على iOS أو Android, رح يطلب منكن إنكن تعملوا بروفايل خاص فيكن. بتبلشوا باختيار جنسكن وتحميل صورة إلكن.

ورح يسألكن هيدا السؤال. عندن الخانة تحت “عذراً عالسؤال” اللي بتحكي عن تحديد الديانة.

اختاروا ع شو عم تدوروا!

عم تفتشوا على موعد قهوة عَ السريع؟ علاقة جدية؟ صديق جديد؟ بس اختاروا وبلشوا تصفح بالخيارات. سواء كنتوا بدكن تتعرفوا ع حدن أو تفوتوا دغري بعلاقة، تطبيق تعارف بتيح إلكن فرص حسب شو بدكن.

وما بتعرفوا، ممكن تنقش معكن وتلاقوا الشريك يلي بتحلموا فيه أو فيها!

شو بميّز هيدا التطبيق عن غيرو؟

هيدا التطبيق بيضمنلكن خصوصية وأمان وتتواصلوا مع أشخاص عندن نفس الاهتمامات. وإذا صادفت إنكن واجهتوا أي نوع من المضايقة، فيكن بسهولة تبلغوا عن البروفايل. وإذا حصل البروفايل على 3 تبليغات منفصلة، بينشال حسابه. هالشي مفيد كتير خاصةً للبنات يلي بتواجه مضايقات ع تطبيقات المواعدة.

Taaruf صار متوفر للتنزيل على iOS وAndroid! تأكدوا تابعوهن على إنستغرام لتعرفوا أكتر عن ميزات التطبيق.

وخبرونا إذا حبيتوا هيدا التطبيق الجديد للمواعدة بلبنان!

حصلتوا على موعد أول؟ شوفوا ٦ مطارح لموعد غرامي أوّل ببيروت بموسم الحب.