أحلى ١٠ جواهر مخفية بقلب بيروت

لو تعرفوا شو مخبى ببيروت! أد ما بتبرموا بمدينتنا الحلوة رح تكتشفوا مساحات وزوايا بتبعث الفرح ع قلوبكن وبتخليكن تنغرموا فيها أكتر. خلونا نخبركن عن كم سر من أسرار بيروت وناخدكن على أحلى ١٠ جواهر مخفية بقلب بيروت.

1.Daraj ، مار مخايل

كافيه جديد فتح بمار مخايل، بيتميز بألوان البنفسج الرايقة والحلويات الطيبة. لازم تجربوا عندن كيك العسل والقعدة جنب الورود.

2. Rm، الحمرا

محل حلو وكافيه زغير مخبى بالحمرا، بيقدم كنافة نابلسية ع قهوة عربية وأجواء صوفية وتراثية.

الرقم: 606 989 76

3. Levant، الجميزة

لما تمرقوا بالجميزة، رح تنتبهوا لجوهرة زغيرة اسمها ليفانت. بيقدم حلويات شرقية ع أنواعها وقعدة تقليدية بتاخدكن ع تراث بيروت الحلو.

4. Agora، الأشرفية

لو تعرفوا إنو بالأشرفية فيه كافيه ومطعم عندو قعدة وسط جنينة خضرة وتحت الشجر! جوهرة مخفية لكل يلي بيحب يكتشف خبايا الأشرفية وأسرارها.

الرقم: 304 109 70

5. Malfoof Studio، جعيتاوي الأشرفية

استديو مخبى بمنطقة جعيتاوي، عبارة عن محل ورد بيعمل ورشات فنية كيف تعملوا بوكيات لحالكن عدا عن نشاطات مميزة وخاصة.

الرقم: 274 930 71

6. ملتقى، الحمرا

مطرح اسمو ع مسمّى، ملتقى هو ملتقى ثقافي وكافيه بمبنى جريدة السفير ومستوحى من أرشيفها. بيعملوا ورشات وندوات ثقافية، وبيقدموا قهوة ومخبوزات بتشهي.

الرقم: 880 857 81

7. Joy Beirut، قريطم

زاوية ملونة بقريطم بيروت، مزيّنة بالورود وريحة القهوة الطيبة، وعندو قعدة كتير مكنكنة ولطيفة بتحسّسكن بالسعادة من جواتكن.

الرقم: 589 996 03

8. شفة، وسط بيروت

كافيه مش متل غيرو ببيروت، ويلي بميزو إنو فيكن تطبعوا يلي بدكن ياه ع قهوتكن من فوق!

الرقم: 677 956 81

9. Bouquet Délicieux، بدارو

كافيه ومحل ورود رومانسي بذكّركن بالربيع من نص بيروت. عندن حلويات طيبة مقدمة بكل حب، وبوكيات ورود بتزيّكن قعدكن.

الرقم: 291 201 03

10. المكان، مار الياس

جنينة سرية بقلب بيت بيروتي قديم ووسط مار الياس، تتميز بالجو اللطيف والنشاطات الحلوة، خاصةً الثقافية أو الروحية.

أي جوهرة من هيدي جواهر مخفية بقلب بيروت رح تجربوا؟

شوفوا كمان، كل المطاعم و الكافيهات بقاعة المغادرة بمطار بيروت