عبالكن برانش؟ 5 أكلات لازم تجربوها من Glow Paradise بالجميزة

غرامنا الجديد؟ أكلات طيبة بتخلّي البرانش بمدينتنا المحبوبة أحلى وأحلى. إذا كنت بتحب البرانش أو الأكل الصحي، جمعنالكن أطيب الأطباق من The Glow Paradise بالجميزة.

شو لازم تجربوا عند The Glow Paradise:

1. ذا كيور بايغل

The Cure Bagel مليان بالبروتين مع السلمون المدخّن الطيّب، ومقدَّم مع كمية كريمة من الخضرة لتوازن مثالي.

2. The Breakfast of Warriors

يلي بيحبّوا الأكل بنكهتو الأصلية وبلا عجقة، The Breakfast of Warriors هو الخيار المثالي إلكن! مين ما بيحب البيض الدهبي والمنفوش، المحشي بطريقة مثالية؟ هيدي الترويقة المشبّعة هي أحسن طريقة لتبلّشوا نهاركن!

3. غواكامولي طازة من الجنينة

كريمي، منعشة، ومليانة بالأفوكادو المستوي، هيدا طبق الغواكامولي بيجي مع تشيبس مقرمشة محضّرة بالبيت ولا ألذ. بالأيام اللي بتشتهوا فيها شي خفيف، طازة، ومليان نكهة، هيدا الطبق هو الحل المناسب.

4. شوفان بنكهة اللقطين

للناس يلي بتحب الشتوية وما بتشبع من النكهات الدافية، طب الشوفان بطعم البمبكن سبايس أو اللقطين بيجي ع عز الطلب. بيجي فوقو توت مجفف، بزور قرع، وجوز، طعمو بيجنن و بيدفي القلب.

5. Protein Power Bowl

أحلى طريقة نختم فيها هالليستا هي بشي خفيف ومنعش! الـ Protein Power Bowl المشهور عندن لازم تجربوا، معمول مع قطع الشوكولا الداكنة وزبدة اللوز لهيك حلاوة بتجي طبيعية وطيّبة.

إيمتى أحلى وقت لتزوروا The Glow Paradise؟

أكيد، ساعات الترويقة والبرانش هي المثالية لتقضوا صبحية ع الرايق أو تنبسطوا بوجبة خفيفة بنص النهار. بس إذا بدّكن جو حيوي أكتر، تتعرّفوا ع وجوه جديدة، أو تعيشوا الأجواء عندن، فالأفضل تزوروهن بعد الغدا أو بعطل الويك إند!

ونحن أكيد مننصحكن تطلبوا كل الأطباق يلّي ذكرناها وتشاركوها مع أصحابكن. صحتين!

لتعرفوا وين محلن بالزبط، اكبسوا هون. لمزيد من المعلومات، تأكدوا من زيارة الإنستغرام تبعن أو اتصلوا فيهم على 111 149 79.

شوفوا كمان، أحلى ١٠ جواهر مخفية بقلب بيروت