قعدة جاكوزي بنص التلجات بفاريا.. جربتوها؟

تخايلوا المشهد: إنتو قاعدين بمي سخنة بقلب جاكوزي، التلج حواليكن بكل مطرح، وكاس النبيد بإيدكن. برد الدني برا، بس إنتو بأحلى أجواء دافية، راخيين جسمكن وناطرين الأكل الطيب يوصل لعندكن. إذا بعد ما جربتو هالتجربة، هلق وقتها عند Faraya Village Club!

هالمكان بفاريا بيقدملكن تجربة ما بتنتسى، جاكوزي سخن بقلب التلج، مع حرارة مي دافية لتتحملو البرد والتلج حواليكن. الرومانسية بتصير غير لما تكونو محاطين بالتلج، والقعدة بتشبه مشهد سينمائي، بس الفرق إنو مش تمثيل، هيدا واقع فيكن تعيشو.

ما فيكن تجو لهون وما تناموا ليلة على القليلة. الغرف مكنكنة، والشيميني بتعطي جو غير شكل، بتشربو فنجان قهوة عالرواق وكل همومكن بتختفي. الغرف مجهزة كمان بجاكوزي جواني. المكان مثالي إذا بدكن تهربوا من عجقة الشغل وتروقوا ليومين.

ولأنو المشوار ما بيكمل من دون مغامرة، فيكن تستأجروا Ski-Doo وتفلتو على التلج، تبرموا بكل فاريا وبتعيشوا اللحظة بكل معنى الكلمة. المنظر لحالو بياخد العقل، إذا كنتو لحالكن أو مع أصحابكن، التجربة رح تبقى بذاكرتكن.

وإذا معكن ولادكن، هون فيكن تعلموهن السكي ببلاش! المدرب بياخدكن من الشاليه عالبيست، وبيعلمكن الأساسيات لتصيروا محترفين. ما في أسهل من هيك، وأكيد ما في أحلى من إنو تشوفوا ولادكن عم ينزلوا أول مرة على التلج!

بعد نهار مليان نشاطات وسكي، بدكن عشا غير شكل. المطعم هون بيقدملكن أكلات عالمية ولذيذة، من المطبخ الإيطالي للأطباق الأجنبية، وكلو بهالجو الدافي حد الشيميني. كأنو حلم شتوي متكامل.

والليلة ما بتنتهي إلا بقعدة جاكوزي، جسمكن بالمي السخنة، عيونكن على التلج، وكاس نبيد بإيدكن… الدني برا تلج وبرد، وإنتو دفيانين. إذا في تجربة لازم تعيشوها هالشتوية، فهي Faraya Village Club!

العنوان: فاريا
الرقم: 790 680 03

مين بتاخدوا معكن على هيك مشوار؟

شوفوا كمان، رحلة لأغرب 10 مواقع بلبنان… واحد منن قصر مسكون!