١٥ بيت ضيافة مغطى بالتلج لعشاق الشتوية!

إذا كنتوا من محبي التلج والقعدة بالدفا قدام الشيميني، جمعنالكن ١٥ بيت ضيافة بأجمل المناطق اللبنانية، كلها مغطاية بالبياض ومثالية لتمضية كم يوم بعيد عن العجقة والضجة.

١. Perch، فاريا

هالمكان بيعطيكن تجربة فريدة وسط التلجات بفاريا، مع إطلالة ولا أروع. قعدات دافية، وغرف بتشعركن كأنكن بقلب جبال الألب، خاصة مع الديكور الخشبي يلي بيزيد الجو سحر.

الرقم: 904 092 03

٢. أزوردي، اللقلوق

إذا بدكن استراحة وسط التلج مع كل وسايل الراحة، أزوردي هوي الوجهة المثالية. الشاليهات مجهزة ومدفاية، والمنطقة بتعطيكن هدوء ونقاوة هوا بتاخد العقل.

الرقم: 868 888 76

٣. The Cave Resort، القموعة

تجربة مختلفة بقلب التلج. المكان مخبى بين الشجرات المغطاية بالتلج، وبيعطيكن إحساس كأنكن بمغامرة بأحلى غابة شتوية.

الرقم: 103 411 70

٤. Orion Hills of Zaarour، الزعرور

إذا عبالكن شي مودرن وأنيق، هيدا المحل هوي الخيار الصح. كابينز دافيين ومجهزين، والمنطقة حواليكن كلها بياض، يعني الصورة المثالية لأي رحلة شتوية.

الرقم: 367 304 70

٥. Cedar Scent، نيحا

إسم على مسمى، ريحة الأرز حواليكن وبياض التلج حدكن! الأوتيل موجود بمنطقة ولا أروع، وقعدة حد النار قدام التلج بتكون تجربة ما بتنمحى من الذاكرة.

الرقم: 511 233 70

٦. Caim Retreat، ميروبا

مكان بعيد عن الضجة، كل شي في مريح وهادي. القعدة بتعطيكن جو سكينة ما بتلاقوا بمطرح تاني، مثالي إذا عبالكن شتوية استرخاء على الآخر.

الرقم: 494 649 81

٧. Trinity، فاريا

لكل محبي التلج، هيدا المكان رح يكون جنتكن الزغيرة. كابينز عصرية بإطلالة بتخليكن ناطرين التلج ينزل بس لتزيد الجلسة روعة.

الرقم: 888 183 70

٨. Le Massif de Laklouk، اللقلوق

رجعنا على اللقلوق بس هالمرة مع تجربة مختلفة! شاليهات مكنكنة وإطلالة ما بينشبع منها، مثالية لجلسة دافية بعيدة عن كل شي.

الرقم: 763 476 70

٩. The Dome، كفردبيان

قبة زجاجية بتخليكن تحسوا كأنكن نايمين فوق الغيوم بقلب بيت قبة مأزز، بس برا الدني تلج وإنتو بأحلى دفا. تجربة استثنائية ما بتنعاد.

الرقم: 330 331 70

١٠. Montagna Casa، فقرا

الديزاين الجبلي مع موقع ولا أروع بخليكن تعيشوا تجربة فخمة بأجواء تلجية. المكان مثالي لكل حدا بيحب القعدة الشيك بالجبال.

الرقم: 841 918 03

١١. Dreamhouse، اللقلوق

هيدا البيت رح يخليكن تحسوا حالكن بحلم شتوي! الديكور، الهدوء، والمنطقة كلها مكملة بعضا لتمضية وقت ما بتنسوا.

الرقم: 688 206 70

١٢. بيت الحارة، حدث الجبة

بيت لبناني قديم حافظ على أصالتو، والقعدة في بالشتا ما بتنوصف. جدران حجرية ومدفأة بتخليكن ما بدكن تفلوا.

الرقم: 190 329 70

١٣. Uzit Cabins، إهدن

كابينات خشبية بتخليكن تعيشوا مغامرة شتوية على أصولها، خاصة مع المنظر الخرافي لكل جبال إهدن المغطاية بالتلج.

الرقم: 564 214 81

١٤. Moonlodge، جبل صنين

الاسم بيحكي عن حالو! القعدة هون متل الحلم، فيكن تناموا بين التلجات تحت السما الصافية، وأكيد مع جلسة حد النار وعلى منظر التلج.

الرقم: 222 777 81

١٥. La Moontagne، بسكنتا

الدفا، الراحة، والتلج الأبيض، كلن مجتمعين بهالمكان! تجربة شتوية بامتياز، مع أجواء بتخليكن تحسوا حالكن بسويسرا.

الرقم: 498 405 70

هيدا الموسم، ما إلنا إلا مشوار على التلج وقعدة بقلب بيوت ضيافة، فأي محل بتختاروا؟

شوفوا كمان، تلجت ع الساحل، هيدي أبرز اللقطات من مناطق لبنان!