هالأوتيل عندو أجمل خيمة رمضانية وبأحلى الأسعار!

هالسنة، حضّروا حالكن لرحلة ساحرة خلال شهر رمضان المبارك بحدث The Secret Garden المميز، وين سحر ألف ليلة وليلة بيصير حقيقة! هالحدث الرمضاني بقلب فندق The Smallville ببيروت، عامل خيمة رمضانية مستوحاة من حكايات شهرزاد وشهريار رح تاخدكن لعالم من السحر، الموسيقى، والأطباق الشهية بهيدا الشهر الفضيل.

أجمل خيمة رمضانية هالشهر!

من لحظة دخولكن ع The Secret Garden،  رح تحسّوا كأنكن بقلب ألف ليلة وليلة! مع ديكور عربي أصيل، فوانيس مضوية، وأجواء شرقية بامتياز. الألوان الدافية، الزينة الرمضانية، وعزف العود بيخلقوا أجواء ما بتنتسى، مثالية للسهرات هالشهر.

إفطار وسحور تحت سما مضوية بالفوانيس!

فندق The Smallvilleرح يعيشكن أجمل وألذ تجربة إفطار هالسنة. مع بوفيه مفتوح أو منيو أكل مميزة بسعر 45$ للشخص الواحد بس. سواءً اخترتوا الاستمتاع بتشكيلة من الأطباق التقليدية أو تفضّلوا بوفيه فاخر، رح تنبسطوا بتجربة حلوة وسط أجواء رمضانية أصيلة.

فيكن تختاروا بين الإفطار العادي وبيكون الطبق الرئيسي طبخة اليوم أو سفرة مشاوي، وبين بوفيه مفتوح من مشاوي، ستراغنوف لحمة، كبسة دجاج، أو الطبخة اليومية. وسفرتكن ما بتغنى عن المازة الشهية، والحلويات المفروشة من ميل للميل!

أما ع السحور، بتلاقوا بوفيه غني ومتنوع من المناقيش، البيض، الشنكليش، الجبنة، اللبنة، المربى وقصص بتشهي، عدا عن الصاج والمشروبات الطيبة. ومش بس هيك، فيكن تطلبوا السحور ع غرفتكن إذا باقيين بالأوتيل!

سفرة مليانة وأجواء عامرة مع برنامج ترفيهي!

سمولفيل عاملين عروض مسلية ومميزة تحضروها إنتو وعم تفطروا. رح يكون في عزف عود لايف، قارئة فنجان، حكواتي وسرد حكايات، رقص دراويش، وشخصيات شهرزاد وشهريار وعلاء الدين بطريقة تاخدكن لعالم خيالي. لتزيد الأجواء سحر، فيكن كمان تشاركوا بتجارب مسلية، متل الحنة أو عرض أزياء للعبايات لتضيفوا لمسة من الجمال الشرقي ع تجربتكن.

كل هالتجارب رح تخلّي لياليكن برمضان ما بتنتسى. هالحدث رح يكون من 28 شباط حتى العيد. احجزوا طاولتكن من هلّق واستعدّوا لتجربة رمضانية استثنائية! وما تنسوا تابعوهن هون.

وين: فندق The Smallville، بدارو – بيروت

للحجز: 552 995 70 – 457 980 78

شوفوا كمان، هيك أسعار الإفطار عند 27 محل بلبنان!