كيف بتقضوا نهار شتوي بمنطقة الأرز التلجية بلبنان!

ما في أحلى من نهار شتوي على التلج، تحسوا حالكن بعالم تاني، بعيد عن الضجة، وقلبكن مليان دفا بجو الجبال الساحرة. ولبنان الأبيض بيعرف كيف يبهرنا بجمالو، خصوصي بمنطقة الأرز ببشري، يلي بتجمع بين العراقة، المغامرة، والطبيعة الخلابة. إذا بعد ما عملتوا هالمشوار السنة، صار وقت تجهزوا حالكن، لأن التلج مش دايم، بس الذكريات الحلوة بتضل للأبد!

كيف بتقضوا نهار كامل بالأرز؟ هيدي خطتكن ليوم ولا أروع بين الطبيعة، الأكل الطيب، والمغامرات المميزة!

١. بلشوا نهاركن بترويقة عند Café des Cèdres

بدكن تستمتعوا براحة وإسترخاء وجو جبلي؟ أطيب ترويقة لبنانية بقلب التلجات وبين الأرزات. غمسوا خبزة الصاج السخنة بصحن اللبنة وغطسوها بالزيت مع فنجان الشاي… غرام. ما في أجمل من فنجان القهوة بعد الترويقة على الصبح مع أجمل منظر بلبنان.

الرقم: 797 448 70

٢. زوروا غابة الأرز الأثرية لي تعتبر من أجمل غابات لبنان، وما في أجمل من الأرزات البيضا بهيك طقس.

بقولوا عنا غابة أرز الرب والكنيسة الأثرية المخباية فيها بتسحر النظر.

٣. زوروا متحف جبران خليل جبران وخدوا أجمل الصور وتأملوا جمال اللوحات الفنية لي عملها جبران.

فيكن تتأملوا جمال المنطقة قدام ساحة المتحف، قعدة حجر خرج صور ومنظر التلج قدامكن بطوب العمر.

الرقم: 137 671 06

٤. عملوا سكي على بيستات الأرز المميزة

الرقم: 762 342 03

٥. طلعوا على الجيتي La Jetée بالأرز وتفرجوا على أجمل منظر بالعالم: وادي قنوبين لي ما بيخلص ولي مغطى بالتلج

٦. هونيك بتلاقوا كافيه سمارولا ولا أهضم من هيك قاعد بقلب باص طابقين بقدم كريب وحلويات وقهوة ومشروبات

بتقعدوا على المرجوحة وبتشوفوا أجمل منظر لبياض التلج بالعالم

الرقم: 933 923 81

٧. عملوا كزدورة بالسيارة بجرود الأرز بين التلجات واسمعوا موسيقى رومانسية

٨. كلو أطيب أكل تراثي على راس الجبل عند Cedar’s Heaven

المنظر خيالي، الأكل كتير طيب ومميز والجو برد وتلج. هيدا المحل بيتمتع بجلسة تقليدية على راس الجبل لكل مين حابب ياكل ويشم هوا نضيف ويتمتع بالتراث الأصيل لي ما بتلاقوا بغير مطاعم بلبنان.

الرقم: 760 743 03

٩. نومة من العمر عند Le Cedrus Hotel

مش بس النومة عندو من العمر حتى الأكل والشرب من عالم تاني. من خلالو بتسافروا على سويسرا، وبتعيشوا أحلى إيام حياتكن وبتناموا نومة على أجمل منظر لبياض التلج.

الرقم: 777 678 06

شوفوا كمان، بتعرفوا إنو أكبر منتجع تزلج بالشرق الأوسط موجود بلبنان؟