جوهرة بتقدملكن قعدة جنينة بنص سوق البترون!

عبالكن مشوار ع البترون ع محل مش كتار بيعرفو!؟ فاي Fay Batroun هو جوهرة مخفية بالبترون ما صرلو كتير فاتح، مكان بيجمع بين الراحة، الطبيعة، والأجواء الحيوية. خلونا نخبركن عن التجربة هونيك.

إذا كنتوا بحاجة لمكان تهربوا فيه من الضجة، تسترخوا مع فنجان قهوة، أو حتى تشتغلوا بجوّ مريح ورايق، فاي هو الخيار المثالي. بالنهار، هو كافيه هادي وسط جنينة ساحرة، مع قعدة بين الشجر والنباتات المعلّقة، وكأنكن بقلب واحة صغيرة. 

أما بالليل، فالمكان بيتحوّل لبار حيوي مع موسيقى روعة، كوكتيلات مبتكرة، وأجواء مميزة للسهر مع الأصحاب بعد يوم طويل.

أحلى شي عند فاي هو الجنينة—المكان مليان نباتات معلّقة، شتل أخضر، ولوحات فنية بتعطيكن إحساس حلو. الكراسي والطاولات الخشبية مندمجة مع الطبيعة حواليها، كل تفصيل بالمكان معمول بطريقة لتحسسكن بالراحة والتوازن مع الخضار. وحتى في نشاط الرسم بقلب المشتل يلي عندن! 

سواءً كنتوا جايين تاخدوا بريك أو تقضوا وقت مع رفقاتكن، رح بتلاقوا قهوة طيبة وBoard Games ممتعة. ومش بس هيك، محل مميز لتنبسطوا ببرانش طيب أو ترويقة لبنانية.

أما بالنسبة للأكل، المنيو غنيّ ومتنوع—من البرغر الدسم، السلطات الغنية مع الجبنة، وأطباق الدجاج والمشروم، لخيارات تانية معمولة بمكوّنات طازة بتناسب كل الأذواق. وإذا كنتوا من محبي الكوكتيلات، رح تلاقوا خيارات مميزة بتكمّل الأجواء.

Fay Batroun هو جنينتكن ومهربكن من العجقة بنص البترون، زوروا المحل وعيشوا لحظات حلوة ورايقة. فيكن تابعوهن ع انستغرام هون. بيفتحوا كل يوم ما عدا الاتنين، بالأيام العادية من 10 الصبح ل 10 بالليل، وبالويك-اند من 8 الصبح لوقت مأخر.

للمزيد من المعلومات، اتصلوا على 162 614 71.

شوفوا كمان، وين اختفى Hamra Vintage؟ محلكن المفضل باسم جديد وكنوز مخباية