حبلى ومشتاقة للسوشي؟ صار في سوشي للحبالى بلبنان!

كلنا منعرف إنو المرا الحبلى لازم تبعد عن السوشي النيّ، بس مين قال إنو لازم تحرم حالها من طعمو الطيب؟ Sushi Cloud جابوا الحل! هلق صار فيكن تستمتعوا بالسوشي بأمان تام مع الـ Pregnancy Set، تشكيلة سوشي محضّرة خصيصاً للحبالى بمكونات آمنة وسليمة لإلك وللبيبي.

شو السر؟ كل شي بهيدي التشكيلة معمول بعناية تامة لحتى يكون آمن وطيب، وحتى بيتحضر بقسم معزول عن غيرو. أول شي، السلمون مطبوخ منيح لأنو الحبلى ما فيها تاكلو نيّ، وبينضاف عليه حامض مع Kewpie مايونيز ليعطيه طراوة ونكهة طيبة. كمان بينحط شوية وسابي معو، لأنو معروف إنو بيساعد على قتل البكتيريا!

أما الحشوة بهيدي التشكيلة، فهي مزيج ولا أشهى: سلمون مشوي، ميكس كراب، أفوكادو، تمبورا، وسلمون تيرياكي، كل هالمكونات مجتمعين ليعطوكي تجربة سوشي مميزة وآمنة. حتى الكراب محضّر مع pasteurized مايونيز، وما في لا خيار ولا توبيكو. والقريدس؟ مطبوخ 100% لتكوني مرتاحة.

سعرها لهيدي التشكيلة 25$ وفيها 32 قطعة، 16 قطعة سلمون مشوي، 8 قطع قريدس ماكي مطبوخ، و 8 قطع كراب ميكس ماكي. وما فيها أي شي ني!

وأخيرًا، صار فيكي تاكلي سوشي براحتك ومن دون قلق، لأنو Sushi Cloud فكر بكل التفاصيل كرمالك! إذا كنتي مشتاقة للسوشي، ما في داعي تنطري بعد الولادة، صار وقت الدلع والأكل الطيب مع pregnancy set! 

بتلاقوا محل Sushi Cloud بساحة ساسين، الأشرفية. فيكن تابعوهن ع انستغرام هون. 

للمزيد من المعلومات أو الطلب على الرقم: 855 166 76

شوفوا كمان، ٧ محلات لتجربوا أطيب الماتشا ببيروت