عرس لبناني أسطوري على بيسيتات التلج!

هيدا الويك-أند صار الحدث يلي الكل عم يحكي عنو! عرس مش متل غيرو، عرس على التلج وبين الجبال، وما قدرنا إلا ما نكتب عنو!

ماريو وكاترين قرروا يفرحوا بطريقتن الخاصة، وبدل ما يطلعوا على درج الكنيسة، طلعوا عالـ ski lift ونزلوا يتزلجوا بفستان العرس والبدلة السودا! لحظة رومانسية بكل معنى الكلمة، وسط جو خيالي وأبيض ناصع.

رنت الأجراس بكفردبيان، والدني بيضا حواليهن، والعرسان نزلوا عالبسيتات سوا، عم يضحكوا وعايشين اللحظة عالآخر.

^{_{Credits: mariomrad}}

الكل لحقوهن، صوروا فيديوهات مميزة، وانتشرت على السوشال ميديا. وأصحابن صاروا يتزلجوا وراهن، مشاركين العروسين فرحتن. قدي حلو لما يكون العرس قريب من القلب، ومليان فرحة ما بتنوصف!

^{_{Credits: mariomrad}}

ماريو وكاترين، هالعرسان الحلوين، قرروا يحتفلوا بحبن بطريقة فريدة من نوعها، طريقة بتعكس شخصيتن المرحة والمغامرة. قديش حلو لما العرس يكون عفوي، حقيقي، ومليان طاقة إيجابية! وسط كل هالتلج، كان في دفا وفرح واحتفال من القلب.

^{_{Credits: mariomrad}}

مارسوا رياضتن المفضلة مع أهلن وأصحابن، وكل اللي كانوا على بيستات التلج شاركوهن فرحتن. مش بس الضيوف، كل الموجودين على البيستات كانوا جزء من هالفرحة، كانوا عم يزقفوا ويرشوا تلج وورد على العرسان.

^{_{Credits: mariomrad}}

ألف مبروك لماريو وكاترين، ومن هلق منقول، مين بيعملها بعدن؟!

عجبكن هيدا المقال؟ شوفوا كمان، من بيروت ع أبوظبي ب 61$، خط جوي جديد جايي ع لبنان!