كافيه فريد من نوعو بطرابلس رح ياخدكن ع القمر!

إذا كنتوا من عشّاق القهوة وبتحبوا تكتشف أماكن مخفية، في كافيه بطرابلس صرلو كم شهر فاتح اسمو قمر تحت الغيم ورح ياخدكن ع عالم تاني! مش مجرد محل تشربوا فيه قهوتكن، هيدا المكان متل مهرب رايق وسط المدينة، مصمم ليغمركن بأجواء ساحرة مع ديكور القمر!

من أول ما تدخلوا جوا، رح تحسوا حالكن انتقلتوا برات طرابلس، محل فيه الإضاءة الناعمة والديكور المستوحى من جمال القمر. القعدة هون فيها سحر خاص — ضو خافت، تفاصيل أنيقة، وديكور قمر مضوي وراكن بيخلق جوّ لطيف وفريد.

قمر تحت الغيم كمان مستوحى اسمو من الحلو الطرابلسي القديم يلي كتير قريب لحلو الرز بحليب. إذا كنتوا بحاجة لمكان تهربوا فيه من ضغط الشغل، تروقوا مع فنجان قهوة، أو حتى تشتغلوا على رواق، هيدا الكافيه إلكن.

بيقدموا عندن تشكيلة حلويات خاصةً الطرابلسية متنوعة ومنها المميز! قصص متل مهلبية، حلو قمر تحت الغيم، تارت الرز بحليب، قشطوطة يلي انشهرت بمصر، كرواسون بحلاوة الرز، وغيرو. 

وإذا كنتوا من محبّي المخبوزات الطازة، حضّروا حالكن لتجربة غنية! هيدا الكافيه هو الوحيد بطرابلس اللي بيقدّم الكرواسون مرشوش عليها صوص الفستق الشهية يلي صارت ترند! بس عندو بتجي محشية بوظة وحليب. كل كدشة منها بتجمع بين قرمشة الكرواسون المخبوز بشطارة وطعم الفستق الغني. 

وطبعاً، القهوة هون قصّة تانية. سواءً كنتوا بتحب الاسبريسو القوي، الكابتشينو الكريمي، أو اللاتيه المحضر بحرفية، كل مشروب مقدم ليكون المرافق المثالي لهيدي القعدة مع القمر!

إذا كنتوا عم تفتّشوا عن كافيه جديد بطرابلس بيجمع بين الأجواء الساحرة والقعدة الفريدة، ما إلكن إلا تجوا وتجربوا بنفسكن عند كافيه قمر تحت الغيم!

فيكن تابعوهن ع حسابن هون. بتلاقوهن تحديداً آخر شارع نقابة الأطباء، مقابل Moustache Outlets. بيفتحوا من 8 الصبح ل 10:30 بالليل. للتواصل على الرقم: 042 367 81.

شوفوا كمان، مخبز فرنسي محبوب نزّل كرواسون أوريو ع شكل ربطة!