١٥ محل بيعملوا سوفينير شوكولا وزينة لمناسباتكن الحلوة!

في شي أطيب من الشوكولا؟ يمكن بس مش أكيد… وإذا كنتو عم بتحضروا لمناسبة حلوة، خطبة، عرس، عمادة، أول قربانة، ولادة أو حتى عيد زغير، لازم تكون الطاولة مزينة ومرتبة وفيها شوكولا بشهي!

جبنالكن ١٥ محل بيعملوا شوكولا وزينة متل ما بتحلموا، فيكن تختاروا اللي بيعجبكن وتتواصلوا معن دغري!

١. نون

تركيزن عالتذكارات المميزة بيخليهن خيار مثالي للناس اللي بتحب الأناقة والفن على طاولة مناسباتكن الحلوة.

الرقم: 036 102 03

٢. Blissed by K

هيدا المحل بيخلي أي مناسبة تصير أفخم! من الديكور الفاخر للتغليف المميز والشموع المعطرة، شغلن فيو ستايل وذوق، وكتير مناسب إذا عبالكن شي فريد للأعراس أو الخطبة.

الرقم: 302 986 78

٣. Choco Jane

بحضرولكن أفخم وأرتب أنواع الشوكولا لجميع مناسباتكن. بتختاروا الطعمة، الشكل، وحتى اللون، وهني بيهتموا بالباقي. الشوكولا عندن ولا أطيب، وعندن مرسبان، ملبس، ماكارون، وغيرن! محل ببيضلكن وجكن بكل مناسبة.

الرقم: 358 832 78

٤. Krokincha Chocolate

إذا كنتو من عشاق الشوكولا البلجيكي، لازم تجربوا هيدا المحل! بيحضروا قطع شوكولا بتشهي وبشكل بيبهر. كل شي بيشتغلوا بفن، خصوصي للعرسان والمناسبات الكبيرة.

الرقم: 464 815 71

٥. Nourabelle

في لمسة حلوة بكل قطعة بيعملوها! Nourabelle بيشتغلوا على الشوكولا بأنواع مختلفة طعمات مختلفة وأحجام مختلفة. من التقديم للغلاف، الطاولة رح تكون كاملة من دون ولا أي مجهود منكن.

الرقم: 985 854 03

٦. Eventik

بحضروا شوكولا وحلويات بمختلف الألوان لجميع مناسباتكن. ألوان ونكهات بتفتح النفس! شوكولا، كيك، مرسبان، كلو حسب المناسبة وحسب طلبكن. التفاصيل عندن متقنة، وكل قطعة معمولة بستايل خاص.

الرقم: 699 082 70

٧. Chocolate and Sunshine

بيحضروا شوكولا مغلفة بطريقة مميزة، مع ملبس بينقو حسب الطابع اللي بتحبوه. كل تفصيل بيعكس النعومة والبساطة لي عم تنبشو عليها.

الرقم: 605 304 03

٨. Blessing

المحل إسمو بيحكي عن حالو! بيحضروا دعوات، شوكولا وهدايا لكل المناسبات من دون استثناء. شغلن ناعم وراقي، وبيشتغلوا على كل تفصيل لتكون مناسبتكن حلوة على الآخر.

الرقم: 100 650 03

٩. Shanshal Chocolate Events

إذا بدكن شوكولا فخمة ومرتبة، مع لمسة مميزة متل الشموع أو الماكارون، هيدا المحل بيقدملكن كل هول بستايل عصري ومميز على الآخر. بيعرفوا كيف يحولوا طاولة مناسبتكن لزاوية جمال!

الرقم: 264 256 71

١٠. La Roche

عندن كل أنواع الشوكولا اللي بتخطر عبالكن، ومعا نوغا وملبس للي بحبوا التنويع. بيشتغلوا بشغف، وبيحضروا الطلبات حسب الذوق والمناسبة.

الرقم: 667 541 01

١١. ChoccOula

عندن تشكيلة حلويات بتعقد! شوكولا، كيكات، وتفاصيل بتلبق لكل مناسبة حلوة. ستايلن مميز، وكل شي شغل بيت مع لمسة وحنية إم.

الرقم: 585 556 70

١٢. Daze

عندكن فرحة أو مناسبة خاصة؟ Daze جاهزين يحضرولكن كيكات على زوقكن وشوكولا كمان! حتى بيعملوا معمول وغيرو من الحلو. هلق إذا عبالكن كمان شي تراثي بطابع عصري، هيدا المحل بلبيكن.

الرقم: 000 311 79

١٣.  Perlas Events & Chocolate

هيدا المحل مش بس بيعمل شوكولا، هني كمان بياخدوا على عاتقن الزينة والشموع والكيك! يعني بتروحوا بتخبروهن شو بدكن، وهني بيحولوا الحلم لحقيقة. متل ما بتحبوا، ومرتبين عالآخر.

الرقم: 844 530 03

١٤. Nougatini

إذا عبالكن تنقوا من بين مليون طعمة وشكل، Nougatini هوي الحل. عندن كل أنواع الشوكولا، والملبس كمان! من أفخم النكهات لأبسط التفاصيل، بيهتموا فيكن من البابوج للطربوش.

الرقم: 446 541 71

١٥. Marozipan by Marlene

محل كيوت ومهضوم، كل قطعة مرسبان بتشبه لوحة فنية! عندن شوكولا ومرسبان حلو وملبس ولا أهضم من هيك، بليقوا بكل مناسبة حلوة. وبتحسوا إنو كل شي معمول عن حب وبفن وزوق.

الرقم: 519 553 76

شوفوا كمان، هيدي المحلات عم تعمل بوظة على ماتشا بلبنان.