١٢ شغلة بتدل على انك الولد المفضل بالبيت

بكل بيت لبناني في ولد مفضل أو مغنج أكتر من إخواتو، شوفوا هالعلامات يلي بتدل على إنك الولد المفضل بالبيت، وأكيد عملوا تاغ لرفقاتكن. 

١. بتسمع كلمة “يا تقبرني” من إمك أكتر من 364 مرة بالنهار

“ريتك تقبرني يا ماما!”

٢. بتسمع هالجملة عطول: “أوعى حدا يزعلي يا/ها!”

٣. على طول عاملين أكلتك المفضلة

انشالله بدكن تاكلوا ملوخية ٤ مرات بالجمعة!

٤. على طول في مين يهتم فيك ويضبلك تيابك وغراضك من دون ما تتعذب

في أحلى منا؟

٥. وين ما تروح، أهلك حاملين سيرتك على لسانهن، عند الجيران، عند الأصحاب ولك حتى قدام اخواتك

“يقبرني ليك شو جاب، تقبرني اليوم راحت على الشغل بلا ترويقة، تقبرني اليوم ضاهرة مع أصحابها: لك ريتوا يقبرني هالولد!”

٦. إذا غلط حدا وحكي عنك بالعاطل قدام أهلك، أكيد رح يعلقوا ويدافعوا عنك ومش رح يخلص من لسانها ولو الحق عليك

إي والله نيالك شو عبالك!

٧. اذا غلطت وقلت قدامهن إنك جوعان، بتتسقط سفرة كاملة

واسترجي قول لاء.

٨. بضلوا يتغزلوا بجمالك من الصبح لعشية

“دخل هالعيون ودخل هالمنخار ولك دخل قلبك أنا!”

٩. وإذا كان شغلك ببيروت وأهلك بالضيعة، رح يحضرولك ترويقة وغداوات وعشاوات قبل بوقت لتاخدهم معك وما تتعذب تعمل شي أو تطلب ديليفيري

“ما تعتلي هم، أكلاتك كلهم جاهزين!”

١٠. انت وبرات البيت بدقولك فوق ال25 مرة ليتطمنوا عنك وليعرفوا شو عم تعمل لدرجة أصحابك صاروا بيعرفو مواعيد التليفونات

شو القصة، صاحبتك/صاحبك ما بدقلك هالقد!

١١. إذا مرضت، البيت بينقلب فوقاني تحتاني

١٢. كل ما تعمل شي صغير أو كبير، أول ناس بيهنوك وبيفرحوا معك هم أهلك، وكأنك نجم البيت والفرحة كلها حواليك

خبرونا، انتو الولد المفضل بالبيت؟

شوفوا كمان، ٤١ نكتة لبنانية ولا أبيخ من هيك!