بيت ناطركن بدير القمر… عمره ٣٠٠ سنة ومحاوط بالزيتون!

إذا بدكن تعيشوا تجربة تراثية من الأجمل بلبنان، ما إلكن إلا هالمحل الجديد: بيت أبي نادر. هالبيت التراثي عمره أكتر من 30 سنة، محافظ على طابعو اللبناني الأصيل بوسط دير القمر الساحرة. فتح بوابو ليصير بيت ضيافة بيستقبل الكل ع الأصالة اللبنانية.

الأجواء بقلب البيت بترجعكن بالزمن، من خلال الديكور العتيق، الفرش الأصيل، والتفاصيل الصغيرة يلي بتحكي قصص زمان. حتى باحة البيت يلي بتتوسطها نافورة ميّ من أيام جدودنا!

التراس كمان بجنّن، مع طابع تراثي بيخليكن تحسّوا كأنكن ببيت جدّكن العتيق. هالتراس بيطلّ ع الضيعة، ومن خلالو بتحسّوا بجمال العمار اللبناني القديم.

أما الجنينة بتاخد العقل، فيكن تقعدوا تقروا كتاب، تشربوا قهوة تحت الزيتون، أو تتغدوا كلّكن سوا غدا لبناني بهيدي المساحة الحلوة.

البيت بيتأجّر بالكامل أو بالغرف، وبيضم 3 شقق بأسماء لطيفة: ياسمين، مالك، نور ، وكل شقّة فيها صالون خاص، غرف نوم مريحة، وجو بيدفي القلب. البيت مثالي لمجموعة كبيرة من الأصحاب أو العيلة، وكمان لإستضافة أي نوع مناسبة أو حفلة صغيرة.

بس القعدة ما بتكفّي هون! دير القمر بحد ذاتها رحلة حالمة. فيكن تزوروا الساحة القديمة، تمشّوا على الطرقات الحجر، تتفرّجوا على قصر فخر الدين، تدخلوا كنيسة سيدة التلة، أو تكتشفوا الزوايا الفنية والثقافية المنتشرة بالضيعة متل متحف ماري باز وخان الحرير. إذا بتحبّوا المشي أو الهايكينغ، المنطقة محاطة بطبيعة خلابة ومسارات بتاخد العقل، خصوصًا وقت الغروب. وفيكن كمان تجربوا الكافيهات والمطاعم التقليدية بالضيعة.

بيت أبي نادر مش بس بيت، هو تجربة بتجمع الراحة، الجمال، والتاريخ اللبناني العريق. احجزوا عبر الرابط هون أو عالرقم: 086 760 03 وتابعوا هالمحل على إنستغرام @beitabinader. جاهزين لتغمروا حالكن بسحر دير القمر؟ 🏡 🌳 🌿

شوفوا كمان، أحلى 10 بيوت ضيافة مخفية حول لبنان