صفيحة أو حلو؟ تعرفوا ع هيدا الإختراع الجديد!

جاهزين تغرموا بحلو جديد بلبنان؟ خلّونا نعرّفكن على Pistachio Charms، الحلو الطيب يلي بيشبه صفيحة بالشكل، بس لما تدقوه بتعرفوا إنو حلو والطعمة من عالم تاني. هيدي مش صفيحة، هيدي قطعة فنية معمولة بحب وإبداع.

المحل يلي بيعمل هالحلو اسمو Sweet Charms وعاملكن بوكس بيجمع كل النكهات اللذيذة. النوتيلا بتدوب مع حشوة الفستق، الشوكولا البيضا بتضيف نعومة خفيفة، والقشطة بتكمّل طعم الفستق، أما تشيز كيك غير عالم.

العجينة هي نفسها بانكيك طري، منفوش وخفيف، الحلو محشي بكريمة فستق، ناعمة وطازة، وبيجي فوقه وحدة من النكهات يلي بتحبوها: نوتيلا، شوكولا بيضا، أو قشطة. صح شكل مألوف متل الصفيحة، بس الطعم غني وما بتشبه أي شي مجربينو من قبل. 

أما نكهة التشيز كيك، بتفتح النفس لخيارات متنوعة وشهية. نكهات متل لوتس، أوريو، أو فريز، كل وحدة بتتقدّم بطريقة فنية بقلب Pistachio Charms، ومغطّسة برشة نوتيلا وشوكولا بيضا بتخلّي الحلو يصير تجربة بحد ذاتو.

Pistachio Charms موجودة ببيروت، وإذا عبالكن تجربوا، فيكن تطلبوا بسهولة عبر إنستغرام من خلال مسج على @sweetcharm.lb.

جرّبوا حلو ع شكل صفيحة، وخبرونا أي نكهة عجبتكن أكتر! 🍰🍫😋

شوفوا كمان، أطيب ١٥ محل “كوكتيل شقف” حول لبنان