من زمان الناس بتحبّها: ٧ مطاعم محلية بقلب بيروت!

بيروت جنّة لعشّاق الأكل، وفيها مطاعم ومأكولات مخباية بكل شارع. من أكلات الشارع المحلية اللي كلنا منحبها للأطباق التقليدية اللي بتدفّي القلب، هيدي 7 مطاعم لبنانية محلية محبوبة لازم تجربوهن بقلب بيروت!

1. Le Chef، الجميزة

من سنة 1967، مطعم Le Chef عم يقدّم أشهى الأطباق اللبنانية، وبيرجعك ع طعمة البيت بكل لقمة. معروف بالترويقة اللبنانية، والأحلى من هيك إنو الأسعار كتير مقبولة.

بسيط، طيب، ومليان نكهات، المكان المثالي إذا مشتاقين لأكل البيت، جايين زيارة من برا، أو عم تفرجوا أصحابكن ع الأكل البيروتي الأصيل.

📍العنوان

شارع غورو بالجميزة، مقابل SLOT

⏰ ساعات العمل

من الاثنين للسبت من الساعة 8 الصبح لساعة 9 المسا

📞 التواصل ع الرقم: 373 445 01

2. السوسي، زيدانية

من أكتر مطاعم محلية محبوبة بقلب بيروت، مطعم السوسي هو مقصدكن لما يكون عبالكن فول و حمص طيبين ع الآخر. هالمحل العائلي محافظ ع النكهة الأصيلة من سنين، وبيقدّم أطباق دسمة، كريمة، وغرقانة بزيت الزيتون والأعشاب الطازة.

سنة 2013، CNN عملت لائحة بأفضل الفطورات بالعالم، واختارت 10 مطاعم من اللي عنجد جزء من ثقافة مدينتن. وبتعرف مين كان بالصدارة؟ السوسي، بفول وفتة ما بيتفوّتوا!

📍العنوان

شارع دار الفتوى، الزيدانية

⏰ ساعات العمل

يوميًا من الساعة 8:30 الصبح حتى 1 الضهر

📞 التواصل ع الرقم: 145 312 01

3. فرن غطاس، الأشرفية

حابب تدوق أطيب فطاير ببيروت؟ هالفرن اللبناني صرلو بيعمل فطاير طازة من سنة 1958، وبركز على الطرق التقليدية والمكونات البسيطة والجودة العالية.

العجينة تبعن طرية وبنفس الوقت مقرمشة ع القد، والحشوة سواء سبانخ، جبنة، أو لحمة، دايمًا طيبة ومليانة.

📍العنوان

شارع التباريس، الأشرفية

⏰ ساعات العمل

يوميًا من 8 الصبح حتى 3 بعد الضهر (ل 12 الضهر بالأحد)

📞 التواصل ع الرقم: 132 218 01

4. سناك فيصل، بلس

بتلاقوا هالفرن اللبناني بشارع بلس، ورح تعرفوا من ريحة المناقيش لحالها!

الناس مش بس بتحب المناقيش الطازة تبعن، كمان بيحبوا كرمال الفطاير السبانخ، مع دبس رمان ولبن عيران.

📍العنوان

شارع بلس، بالقرب من مخفر حبيش

⏰ ساعات العمل

بيفتح 24/7

📞 التواصل ع الرقم: 281 367 01

5. أبو حسن، فروع كافة

محل الفول والحمص المفضّل عند الكل ببرج حمّود، هالجوهرة المخبّاية لازم يجربها كل حدا عبالو لقمة فيها دفى. بيقدملّكن صحون ترويقة لبنانية مليانة نكهة وبتحسّسكن إنكن بالبيت.

كتير ناس بيقولوا إنها من أطيب الأكلات المحلية بالمدينة!

📍العنوان

برج حمود، الحمرا، فرن الشباك

⏰ ساعات العمل

مفتوح 24/7

📞 التواصل ع الرقم:

برج حمود 888 266 01

الحمرا 227 750 01

فرن الشباك 977 293 01

6. Le Professeur، مار إلياس

من الجواهر اللي لازم تجربوها، وصرلها من سنة 1933 محافظة ع محبّة الناس. Le Professeur مخبّى بمنطقة مار إلياس، ومع إنو مشهور بالترويقة اللبنانية، الكبة عندن ما بتتفوت!

شو السر؟ تمسّكن بالوصفات التقليدية، وكل طبق معمّول من مكونات طازة ومحلية!

📍العنوان

شارع معلوف بمار إلياس

⏰ ساعات العمل

من الاثنين للجمعة من الساعة 8 الصبح ل 3 بعد الضهر

السبت من 7:30 الصبح ل 3 بعد الضهر

الأحد من الساعة 7:30 الصبح ل 2 الضهر

📞 التواصل ع الرقم: 666 703 01

7. أبو نعيم، الحمرا

معروف باستضافتو الحلوة والجو المريح، هالجوهرة بالحمرا المكان المثالي لتقضوا وقت مع أطيب لقمة وأهضم قعدة!

بيقدموا تشكيلة من الأطباق التقليدية، بس أكتر شي محبوب عندن اللحمة النية الطازة يلي بتفتح النفس والعرق يلي غير شكل.

📍العنوان

شارع عبد العزيز بالحمرا

⏰ ساعات العمل

من الإثنين للسبت من 12 الضهر ل 1 بعد نص الليل

📞 التواصل ع الرقم: 480 750 01

شوفوا كمان، قعدة جنينة بتسرق القلب… الفلمنكي وصل ع أنطلياس!