٧ مهرجانات وأسواق لازم تزوروها بلبنان ب أيار 2025

أيار بلبنان يعني مشاوير وأجواء حلوة! ومع هيدي الطاقة، بتنطلق المهرجانات والأسواق يلي بيعكسوا فرح الموسم. حضّرنالكن دليل بأحلى وأهم مهرجانات وأسواق عم بتصير بلبنان خلال أيار 2025، ما فيكن إلا تزوروها!

1. مهرجان الربيع مع Zero 4

ما تفوتوا مهرجان الربيع هيدي الويك-اند بنقاش! أجواء بتجنّن، موسيقى، أكل طيب، ونشاطات لكل الأعمار!
خدوا أصحابكن أو العيلة وتعوا انبسطوا بمهرجان مليان فرح وفن!

📅 التاريخ: 8 حتى 11 أيار، 2025

⁠🕛 الساعة: 1 الضهر – 11 المسا

📍 العنوان: Zero 4، نقاش

2. سوق الربيع مع الكنيسة الإنجيلية في بيروت

زوروا سوق الربيع الألماني Flower Power بالكنيسة الأنجيلية وقضّوا نهار غير شكل مليان أجواء حلوة وفرح! رح تلاقوا تشكيلة أكل مميزة من حلويات، مقانق والسلطات، وخبز ألماني. في برنامج خاص للولاد، أشغال يدويّة، سوق كتب، سوق أنتيكا، وتخفيضات حلوة على كتير قصص!

📅 التاريخ: السبت 10 أيار، 2025

⁠🕛 الساعة: 10 الصبح – 3 الضهر

📍 العنوان: شارع منصور جرداق 429، المنارة

🎟️ الدخول مجاني

3. Le Souk Solidaire 2025

معرض وسوق فني بيدعم المشاريع اللبنانية المحلية، بتلاقوا منتجات حرفية ومحلية مع أجواء وأنشطة مميزة!

📅 التاريخ: 9 و 10 أيار, 2025

⁠🕛 الساعة:

الجمعة 9 أيار من 4 الضهر – 12 نص ليل

السبت 10 أيار من 12 الضهر – 12 نص ليل

📍 العنوان: حرم السفارة الفرنسية، بيروت

4. مهرجان السينما الأوروبية – الدورة 29

من 30 نيسان وحتى 11 أيار، رجعت العروض على سينما متروبوليس مع مجموعة من الأفلام الأوروبية، بتجمع بين الروائي والوثائقي، الكوميديا والدراما. فيكن تشوفوا البرنامج الكامل هون. مهرجان السينما الأوروبية من تنظيم بعثة الاتحاد الأوروبي في لبنان، بالشراكة مع سينما متروبوليس وبالتعاون مع الدول الأعضاء في الاتحاد الأوروبي.

📅 التاريخ: 30 نيسان حتى 11 أيار، 2025

📍 العنوان: سينما متروبوليس، شارع فرعون، مار مخايل

🎟️ البطاقة ب 400,000 ل.ل. فيكن تحصلوا عليها من هون

5. معرض بيروت العربي الدولي للكتاب – الدورة 66

معرض بيروت العربي الدولي للكتاب راجع هيدا الشهر! المعرض من تنظيم النادي الثقافي العربي، وبيجمع عدد كبير من دور النشر من لبنان والعالم العربي والدولي، مع برنامج غني بالندوات، النشاطات، وتواقيع الكتب. فرصة مميزة لتكتشفوا أجدد الإصدارات وتتفاعلوا مع الكتّاب والمثقفين!

📅 التاريخ: من 15 أيار حتى 25 أيار، 2025

🕛 الساعة: 10 الصبح – 9 المسا

📍 العنوان: مركز سيسايد – الواجهة البحرية الجديدة لبيروت

6. EcoArt Market مع The Kulturnest

ما تفوّتوا EcoArt Market! ويك-اند مميز بيجمع الفن المعاد تدويره، المواهب المحلية، والحياة المستدامة، مع أكثر من 25 فنان ومصمم عم يعرضوا أعمالن المصنوعة من مواد معاد تدويرها، منتجات يدوية، وأجواء بتحتفل بالاستدامة من خلال الفن!

📅 التاريخ: 17 و 18 أيار، 2025

⁠🕛 الساعة: 12 الضهر – 8 المسا

📍 العنوان: Kulturnest، سن الفيل

🎟️ الدخول مجاني

7. The Family Festival مع جمعية بسمة

عيشوا أجواء مهرجان مميّز بين أحضان الطبيعة! ناطركن بأجواء حماسية وأكل طيّب، مع نشاطات ممتعة وورشات مفيدة للولاد، ألعاب، كرمس، وعروض بتفرّح القلب. مكان مثالي ترتاحوا فيه، تتسلّوا، وتخلقوا ذكريات حلوة سوا.

📅 التاريخ: 24 أيار، 2025

⁠🕛 الساعة: 10:30 الصبح – 5 الضهر

📍 العنوان: تعنايل، مزرعة Sarwa by Bassma

الربيع بلبنان ما بيكمل من دون هالفعاليات الحلوة! اختاروا مهرجانات أو أسواق يلي بتعجبكن بلبنان وعيشوا أجمل أيار! 🌸🎪🎶💃🎨

Cover image: The Bulletin

شوفوا كمان، مكتبة أنطوان فتحت كافيه ببيروت! شوفوا التفاصيل