٩ مشاوير ع الخفيف مع أصحابكن بقلب بيروت

مش كل ضهرة لازم تكون سهرة أو مغامرة. أوقات، كل اللي بدنا ياه هو رفقة حلوة، محل رايق، وشويّة تسلية. إذا جاي عبالكن قهوة، تمشاية، أو قعدة هيك ع الخفيف، هيدي كمّ فكرة ل مشاوير رايقة ومسلية فيكن تعملوهن مع أصحابكن بقلب بيروت.

1. بلّشوا نهاركن عند The Glow Paradise بالجمّيزة

إذا عبالكن صبحية هادية مع أصحابكن، قهوة وحكي ع مهلكن للبرانش، فهيدا المكان بيلبق لهيك جو عنجد.

The Glow Paradise هو المحل المثالي لصبحية هادية ورايقة. هالمحل مخبّى بالجميزة، يعني بتضل تحسّوا بنبض المدينة حواليكن، وفيكن تتسلّوا انتو وعم تتطلعوا ع حركة الشارع اللي عم تبلّش شوي شوي.

المنيو عندن مليان أطباق طيبة وصحيّة، والقهوة كتير مميّزة. وإذا كنتوا من محبّين الماتشا، لازم تجرّبوا النسخة تبعن! The Glow Paradise بيركّز ع الأكل اللي بيخلّيكن تحسّوا منيح، بمكان شيك ورايق، فخيار ممتاز للبرانش ولكل حدا بحبّ يبلّش نهارو بطاقة حلوة.

نحن عاملين ليستا بأطيب أطباق البرانش يلي لازم تجرّبوها من منيو The Glow Paradise! فيكن تشوفوها من هون. وللمزيد من المعلومات، فيكن تزوروا صفحتن ع الإنستغرام.

📍الموقع

شارع غورو بالجمّيزة، مقابل Swiss Butter

⏰ أوقات الدوام

من الاتنين للسبت من الساعة 8 الصبح لـ 12 بالليل

📞 التواصل

الرقم: 111 149 79

2. تشمسوا بقلب الجنينة وبين الشجر عند جاكاراندا

إذا عبالكن تهربوا لمطرح هادي بالطبيعة، هالجوهرة المخباية هي المحل المثالي. جاكراندا كان بيت بيروتي قديم، وهلق صار مكان ثقافي بيعبّر عن جوهر التراث اللبناني.

شربوا قهوتكن أو دلّعوا حالكن بجبنة الفيتا المشويّة المميّزة عندن، مزينة بتوابل كاملة، عسل، خروب، وبيقدّموها مع بسكويت مالح – وكل هيدا تحت شجر الجاكاراندا المزهر.

📍العنوان

مار مخايل، جنب Kalei

⏰ أوقات الدوام

كل يوم من الساعة 10 الصبح للساعة 12 بالليل

📞 التواصل

الرقم: 522 637 76

3. زوروا Depot Vente بمحلّن الجديد لتحصلوا ع القطع الفينتاج المميزة

محل البالة المفضّل عند الكل رجع، وهالمرّة بموقع جديد بمار مخايل، قريب كتير ع القديم. خدوا أصحابكن، نبّشوا بين الرفوف، ويمكن تلاقوا قطعة ستايلش وسعرها حلو!

📍العنوان

مار مخايل، شارع البداوي

⏰ أوقات الدوام

من الاتنين للسبت – من الساعة 12 الضهر حتى 7 المسا

📞 التواصل

الرقم: 620 200 03

4. احضروا فيلم بـ سينما متروبوليس بمار مخايل

مهرجان الأفلام الأوروبية مكفّي لحد 11 أيار. التذاكر بس 400,000 ليرة لبنانية، يعني نشاط بيجنّن وما بيلزمو كتير مصاري لتستمتعوا فيه مع أصحابكن.

بتقدروا تشوفوا البرنامج الكامل تحت حتى تقرروا أي أفلام بتحبوا تحضروها:

📍 العنوان

شارع فرعون، مار مخايل

⏰ أوقات الدوام

بتختلف حسب جدول البرامج

📞 التواصل

الرقم: 530 069 81

5. حجزوا صف الرسم بالألوان المائية بVernicé Café بقريطم

العقول المبدعة ومحبي الأكل رح يحسّوا حالن ببيتن بـ Vernice Creative Café — محل نابض بالحياة بقلب بيروت، بيجمع بين الأكل الطيّب، اللوحات البيضا، وضربات الريشة الملوّنة.

Vernice بيستضيف مجموعة ورشات فنيّة ممتعة، من ضمنها الموزاييك بالألوان المائيّة، “ارسم قبل ما تخطّط”، الرسم البرّاق، تقنيّة الألوان التلاتة، الدودلينغ، وجلسات التلوين بالتنقيط.

📍 العنوان

مدام كوري، قريطم

⏰ أوقات الدوام
كل يوم من الساعة 8 الصبح ل 11:30 بالليل (ابتداءً من الساعة 4 بعد الضهر أيام الأحد)

📞 التواصل

الرقم: 455 599 71

6. شوفوا تشكيلات الأمثيست الرائعة على شكل قلب بـ متحف الميم

هل كنتوا بتعرفوا إنو هالتشكيلات من حجر الأمثيست على شكل قلب موجودة بمتحف MIM ببيروت؟

متحف MIM بيضم واحدة من أروع المجموعات الخاصة للمعادن بالعالم، اللي جمعها سالم إده من سنة 1997. مع أكتر من 1800 عيّنة معدن من أكتر من 70 دولة، المتحف بيجمع بين العلم، الفن، والطبيعة ليخلق تجربة ساحرة.

📍العنوان

الطابق الأرضي، جامعة القديس يوسف ببيروت

⏰ أوقات الدوام

من التلاتا للأحد

من 10 الصبح لـ 1 الضهر – ومن 2 بعد الضهر لـ 6 المسا

📞 التواصل

الرقم: 672 421 01

7. دلّعوا حالكن بتذوّق الأكلات المكسيكية بـ El Pastor

جوهرة مكسيكية مخباية لازم تزوروها! El Pastor بيقدملكن نكهات قوية وأصيلة مع لحمة متبلة باحتراف، تورتيلا معمولة على الإيد، وسلطات ملونة.

من أبرز أطباق المنيو: الغواكامولي مع شيبس الدرة، القرديس على طريقة اليوكاتان، وتاكوز آل باستور المميزة — أكيد ما بدكن تفوتوه.

📍العنوان

شارع باستور، الجميزة

⏰ أوقات الدوام

يوميًا من الساعة 12 الضهر حتى 12 نص ليل

📞 التواصل

الرقم: 596 536 03

8. تسوقوا القطع القديمة والأنتيكا بمحل Bob’s Vintage بالحمرا

عندكن حب للأنتيكا والقصص الفينتاج؟ عم تدوروا ع اكتشاف شيء مميز؟ Bob’s Vintage هو جوهرة مخفية بقلب بيروت، مكان مليان كنوز ناطركن تكتشفوهن.

من كاميرات ديجيتال شغّالة 100% (إيه، جرّبناهن) لأسطوانات زياد رحباني الأصلية ومكنات كتابة قديمة، المحل مليان كنوز رح تخليكن تبرموا فيه لساعات.

📍العنوان

الحمرا, جنب Citizen Smith

⏰ أوقات الدوام

من الاتنين للسبت من الساعة 10 الصبح ل 6 المسا

📞 التواصل

الرقم: 243 025 70

9. مرقوا على GOU لتجربوا الآيس كريم بالماتشا تبعهن

هيدا الديلي الياباني معروف بلاتيه الماتشا بالفريز المميز، بس ما تفوتوا فرصة تجربة آيس كريم الماتشا، مزين بالبريتزل المالح لخلطة حلوة ومالحة مثالية.

كنّتوا بتعرفوا إنّو بيعملوا حفلة برانش كل سبت؟ وإذا إنتو مش من جماعة الصباح، فهيدي من النشاطات اللي عنجد رح تبسطكن

📍 العنوان

الجميزة، حد Munchease Diner

⏰ أوقات الدوام

الإتنين للاربعاء – من الساعة 10 الصبح حتى 10 المسا

الخميس للأحد – من الساعة 10 الصبح لحد 1 نص الليل

📞 التواصل

الرقم: 526 569 76

أي واحد من هيدي مشاوير الحلوة رح تجربوها حول بيروت؟

شوفوا كمان، أطيب 12 محل Frozen Yogurt حول لبنان