ركوب خيل وجولات بالوادي؟ لقينالكن مزرعة قريبة من بيروت!

إذا عبالكن نهار ممتع، مليان طاقة حلوة وتجارب مميزة، خلّونا نخبّركن عن محل رح تحبّوا من أول زيارة. تعوا نروح سوا على ديشونية، بس 25 دقيقة من بيروت، ونرجع بذكريات ما بتنتسى! اهربوا شوي من ضغط المدينة، وجرّبوا نهار غير شكل بين الخيل، الطبيعة، والهوا النضيف عند Happy Hooves Horse Club!

هالمطرح هو نادي للفروسية بيقدّم تجربة كاملة لكل عشاق ركوب الخيل، شو ما كان عمركن أو مستواكن بهيدي الرياضة. فيكن تتعلموا ركوب الخيل مع مدرّبين محترفين، وتشاركوا بجولات خيل بالطبيعة بين أحلى المناظر. بتقدرو كمان تعملوا مناسبات خاصة متل أعياد الميلاد أو قعدات حلوة بالطبيعة.

ومن أهم التجارب عندن هي جولة الوادي، بتضمن ساعة من ركوب الخيل مع مدربين محترفين، بتكتشفوا فيها طبيعة بتخطف القلب وجمال بيريّح العين. الجولات هينة وبتناسب كل المستويات!

ومش بس هيك، عند Happy Hooves Horse Club رح تلاقوا مزرعة حلوة وهادية، فيها حيوانات أليفة ومهضومة من المعزة، الأحصنة، الطاووس، وحتى الغزلان. الجو مريح وبيخليكن تحسّوا كأنكن بالريف، الكل رح ينبسطوا الكبار والصغار، العيلة والأصحاب.

وإذا جايين بكّير، خبروهن وقت الحجز إذا عبالكن منقوشة طيبة ع الصبح قبل ما تبلشوا الجلسة، لتبلشوا النهار بأطيب طريقة!

عند Happy Hooves، الكل مرحّب فيه! مبتدئ أو محترف، صغار أو كبار، تعوا عيشوا تجربة ما بتنتسى، وتعرفوا على عالم الخيل من قلب الطبيعة وبجوّ ممتع ومليان طاقة حلوة. تابعوهن ع انستغرام هون. 🌿🏇✨

📞 للحجز أو الاستفسار: 163 961 78

شوفوا كمان، درب الأمازون بلبنان: هيدي الغابة الغريبة اللي ما بتعرفها!