لمحبي الأكل البحري الفاخر، هيدا هو المطعم الأول بجبيل!

يمكن لقينا أحلى محل لعشّاق الأكل البحري بلبنان! SOMO بجبيل هو مطعم سي فود وسوشي شيك وراقي، عندو جو بياخد العقل. هو أول محل بيطلع عبالكن إذا عم تخططوا لضهرة عيد ميلاد، أو سهرة مميزة مع أصحابكن.

رح نقلكن رأينا الصريح بهيدا المحل بجبيل:

شو في ع المنيو؟

رح تنصدموا أديه المنيو متنوع وغني! من قنافذ البحر الآيسلندية للبرغر الواغيو الياباني، هالمحل عندو كل شي. حتى اللي ما بيحبوا السمك رح تفتح نفسن ع الأكل.

خلينا نخبركن بالتفصيل:

المقبلات: خيارات قوية!

بلّشوا بشوربة التوم يام – حرّة، حامضة، ومليانة قريدس، صدف البحر، سكالوبس، ولمسة يووزو بتعطيها نكهة غير شكل.

ما بتحبوا الشوربة؟ جرّبوا الداينامايت شرمب – مقرمش، حرّ، وبيشهي! كمان حبّينا الـSpicy Salmon Bao، بس اللي فعلاً رح تنغرموا فيه هو الـLobster Bao – غني، زبدي، وطعمتو ما بتشبّه شي تاني بلبنان.

الأطباق الفخمة: واغيو، كافيار، ولوبستر!

هيدا هو المحل اللي بتدلّعوا حالكن فيه بعشا سي فود مرتب! المنيو تبعن مليان أطباق فخمة بتفتح النفس، متل الـWagyu Sliders المصنوعين من لحم واغيو ياباني A5 أصلي – الوحيدين من نوعن بلبنان. وفيكن تكملوها بكافيار بيلوغا الإيراني!

هالمحل بيستورد الكافيار تبعو مباشرة من مزارع خاصة بأوروبا، وبيقدّملكن بيلوغا، أوسييترا، وبايري كافيار من أعلى جودة. ومن الأطباق اللي عنجد لازم تجربوها هي الـYum Yum Lobster: غنية ودسمة، وبتجي مع صدف بالفرن، رز بالزبدة والتوم، وصوص يابانية بتكمّل الطعم.

وأكيد ما تنسوا الـWagyu Sliders، هيدول لحالن قصة!

SOMO عندن حوض لوبستر عايش، يعني وقت تطلب لوبستر، بيكون فريش عالآخر!

لكل عشاق السوشي

عشّاق السوشي رح ينغرموا بالرولز المميّزين اللي بيقدّموها بـSOMO، كلّن معمولين من مكونات طازة وجودة عالية. السوشي هون من الألذ: من ألوان، توازن نكهات، وطعمة بتشهي!

ما تفوّتوا عليكن الحلو!

ختموا زيارتكن بموتشي آيس كريم باردة ومنعشة، وإذا جاي عبالكن شي أغنى، روحوا ع الفوندو الشوكولا، بيدوّب دوبان بالتم!

هل SOMO بيستاهل التجربة؟

SOMO هو عنجد تجربة استثنائية. الجودة عالية والجو راقي ومريح، والتنوّع بالأطباق بخلي كل زيارة جديدة وممتعة. إذا بتحب السي فود أو حابب تجرب السوشي، هالمكان لازم يكون ع الليستا.

إذا بدكن تدلّعوا حالكن بعشا سي فود فخم، هيدا هو المطعم الصح. تأكدوا تابعوهن ع إنستغرام للمزيد!

📍الموقع

شارع القديس بطرس بجبيل، قريب من PizzaBar

إكبسوا هون للموقع بالزبط.

⏰ ساعات الدوام

كل يوم من الساعة 12 الضهر ل 11:30 بالليل

📞 للتواصل

الرقم: 586 179 79

عم تحضروا لمشوار ع SOMO بجبيل؟ شوفوا #جبيل على موقعنا لتخططوا نهار كامل بالمدينة!